نادي للغة الانجليزية _ يحتاج مساعدتكم ليبدأ !!

**امير الاحساس** · 15-03-2011, 09:59 PM

السلام عليكم ورحمة الله وبركاته

عندي مشروع بسيط ( حالياً ) وان شاء الله انه يكبر مع مرور الوقت ويصبح رسمي بالمدرسة

اكيد مثل كثير منكم يعانون من مستوى الطلاب وخاصة في المراحل المتقدمة ( انا أدرس ثالث متوسط ) مما يعيق تقدم الدروس او سيرها بالشكل المثالي والمطلوب .. لذا

فكرت بأن أعمل ( نادي للغة الانجليزية ) وأبداء فيه بتأسيسهم من خلاله ,, << هذي الفكرة بشكل عام

المطلوب / ابغى مواقع أو مواضيع ( ولو من منتدانا لأني لفيت وحسيت اني ضايع مدري وين بالضبط )

أوراق عمل - فيديو يوتيوب - اي شي يوصل المعلومة بشكل ( مسلي ) ويحبب الطلاب لتعلم اللغة .. لأن هذا اللي اركز عليه

والله يوفق الجميع ..

انتظر منكم اخواني واخواتي , ,

**الشموخ 9** · 15-03-2011, 10:15 PM

الله يعينك ..ابحث بالمنتدى وكل اللي تبية رااح تلاقية
خاصة بقسم النشاط
تحياتي ..

**امير الاحساس** · 17-03-2011, 12:41 PM

شكراً لك الشموخ ,, هذا اللي قاعد اسويه

والبدايه ان شاء الله ببدأ حتى لو باوراق عمل بسيطه .. ولكن اللي يعرف شي يفيد لايبخل علينا

لكم دعواتي ,,

**الوعد الحق2** · 17-03-2011, 03:30 PM

انجلش فور عرب حلو الموقع

**امير الاحساس** · 19-03-2011, 04:16 PM

مشكووووور ,, تم الاطلاع على الموقع ,, جداً مفيد ,, ولكنه متوسع فكل شي ..

انا بغيت ادرس بشكل مبسط ,, وكل مابحثت اكثر كل مازادت عندي الدروس .. !! وما ابغى التشتيت على الطلاب

يعني يكفي ادرسهم الحروف وانواعها واقسام الكلام واتطرق للمفرد والجمع والضمائر وانواعها وكل ذا قبل لا اخش بالقواعد ,,,

الله يجزاه بالخير اللي بيتبنى معي هالفكرة ,, وممكن نعمل هالفكره كل سنه للطلاب الاقل مستوى من اقرانهم ..

ابغى بس احدد الاولويات بالدروس دون التطرق لدروس تشتت او تفتح ابواب لدروس اخرى ,( لان الغايه احببهم بالانجليزي )

اتمنى الفكره وضحت ,,

بالانتظار .......

**نورالنار** · 19-03-2011, 07:48 PM

بالامكان الاستعانه بمنهج سادس لكن بشكل سريع
يكون اعاده تاسيس لهم
المنهج يبدء من الصفر
الحروف والارقام واشياء بسيطه
بيكون زي دروس التقويه
وبعد كذا درس منهج اول وثاني
هذا الي يحضرني الان
و ان شاء الله بقيه الاعضاء يفيدوك اكثر بالافكار