طلبتكم لاتخلوني ... تقويم سادس اول مرة

[قمرمر]

السلام عليكم ورحمة الله وبركاته
اشكركم على حسن تعاونكم وخدمتكم لاعضاء المنتدى الرائع اللي كلنا استفدنا منه وعساكم على القوة
انا مررره محتاسة واحتاج من يساعدني مالي غيركم بعد الله
السنة هذي عندي ندب للإبتدائي سادس وانا اول مرة أعطيهم وماني فاااهمة ولاشي في نظام التقويم ومابي اظلم البنات اللي عرفتة من سالفة التقويم اني الان في الترم الثاني نقوم الفترة الثالثة والرابعة
اليوم سألت عن فترة التقويم الثالث قالوا انه الاسبوع الثامن اي بعد الاسبوع الجاي اساسا مااتوقع الحق على الدروس......
انا اليوم لسى اول درس ولمن رجعت لجدول التقويم مكتوب انو اقوم اول شيء أدوات الترقيم وبعدها الحروف الناقصة رجعت لكتاب الطالبة مافي شي عن ادوات الترقيم من وين اعلمهم وكيف اقومهم
والتقويم اصلا هل يكون خلال الحصة ولا اعطيهم الدرس واقولهم يحفظوة واختبرهم ثاني يوم ومن خلاله اقوم الطالبات
والله مرررررة حايسة ولا اعرف شي
تكفون ساااعدوني

انتظر ردودكم عاجلاً..

[bigevil]

والله يبغالك جلسه وحده بس مكثفه .. انا خبره فى سادس 5 سنوات وراح اشرحلك بس انتظريني الحين الساعه 2 وبناام ما اشوف بكرره خير

[قمرمر]

يجزاك ربي الجنة
انا في الانتظار .....

[bigevil]

هاااي


شوفى انا منزل هذا الموضوع عن شرح التقويم

ومنزل ملفات كمان له ..

انت اقرأيه بهدوء .. واى اسئله عن الموضوع انا جاهز ..

http://www.saudienglish.net/vb/showthread.php?t=79361

[Rose Water]

الـ punctuation ليست مهارة أساسية ، من خلال تقييمك لهم على الـ missing letters ممكن تنوهين لهم على الترقيم ، درس الyes / no question كله علامات ترقيم ، الاستفهام عمل السؤال ، الكوما بالأجوبة و الدت بالأخير ، الكابتل ليترز و السمول ليترز ، يعني من خلال شرحك للدروس ذي قيميهم أول بأول .. بالنسبة للكويزات عطيهم بيبر احرصي فيه على تمارين مهارة أساسية ، الغير أساسية خليها اورال مثلا أو بارتيسبيشن أثناء الدرس ..
اعطيتهم 3 أوراق عمل ، امتحنتهم اورال برضه ، و طالبتهم بكتابة النيو وريدز الجديدة بالكمبيوتر و الفاملي و البوسيسيف بروناونز و البارتز اوف ذا هيد ، عشان ما ينسون الدروس ، التقييم يوم بيوم
<< مشكلة اللي متحمسة : )
أنا برضه ندب من الثانوي للإبتدائي مثلك ، انحست بالبداية بس ساعدون الله يجزاهم الجنّة ..

قد لاك سويتي

[قمرمر]

bigevil
يجزاك ربي الجنة مآقصرت قرأت الموضوع بس برضو لسى محتآسة
(تنحه)
مودآخل رآسي مررة هالتقويم
طيب الحين كيف اقيم أسوي اختبار تحريري عن كل مهارة ومن خلالة أقيم الطالبات
ولا من خلال الحصه اللي فاهمة مثلا احط عند 1 على المهارة
التقويم راح يطلبوه مني بتاريخ 1\5 قبل الاجازة يمديني اقيم الطالبات؟
أعذرووني والله ماابي اظلم الطالبات هذي أمانة

أختي rosewater
أشكرك على ردك وضح لي بعض النقاط بس مازلت مشوشة....ربنا يعيين على التعليم وانظمتة

[bigevil]

هههههههههههههههه

انا معاك الين تفهمين التقويم ..


هو كذا التقويم مائع وغير مفهووم ويخليك تتنحين هههههههههههههههههههههه

انا اشرحلك يا حلوه

انت تحطين اوراق عمل وكلها تنزلينها من منتدى اوراق القياس . يعني ما تتعبين فيها .. وتختبرين فيها البنات .. وتسوين اتفاق بينك وبينهم على عدد الاخطاء فى الورقه يعني انا مثلا اكثر من خطأين فى كل مهاراه اعتبره ما اتقن المهاراه ويعيد .. وصار هذا رسمي بيني وبينهم .. طبعا ما ادقق .. بعض الطلاب يغلط 3 مرات او 4 وهو طالب ممتاز بس بعضهم على الورقه يخربط اعطيه 1 ..

انت ركزي على المهارات الاساسيه فقط لانها هى المهمه الىل يعديها ياخذ 1 واللى ما يعديها ياخذ 4
اما الغير اساسيه اذا لم يتقن ممكن ياخذ 3 او 2 ..

المهم تسوين اوراق ولا تحطين درجات بس اتقن او لم يتقن .. وبس

حلو الكلاام الى حد الان

[أم مهند:]

السلام عليكم ورحمة الله

انا مثل معاناتك
ندب ابتدائي وما عرفت كيف اقيم

يعني مو ضروري اقيم كل يوم؟؟؟
يعني التقييم يكون له وقت بعد كم ليسن ؟؟

وضحو لي تعبت من كثر المناهج وكملوها علي بسادس
والله ضغط موطبيعي

[bigevil]

السلام عليكم ورحمة الله

انا مثل معاناتك
ندب ابتدائي وما عرفت كيف اقيم

يعني مو ضروري اقيم كل يوم؟؟؟
يعني التقييم يكون له وقت بعد كم ليسن ؟؟

وضحو لي تعبت من كثر المناهج وكملوها علي بسادس
والله ضغط موطبيعي

انا هنا اشرحلك ..


التقييم مو بعد كل درس كل فتره على حسب المهارات الموجوده عندك بالسجل يعني ممكن كل اسبوعين مره وممكن كل 3 اسابيع مره بس من واقع خبره خذيها منى ركزي على المهارات الاساسية هى الىل تسوين فيها اوراق اما المهارات غير الاساسية اذا اتقنوها شفهيا او بالواجبات خلاص كفايه

وانا موجود للاستفسارات

[أم مهند:]

جزاك الله خيرا

طيب كيف طريقتك بالدفاتر
انا طلبت منهم واحد
نكتب النيوفوكاب لكل درس وبعده يكتبوها بشكل قوائم

لكن ما سويت لهم املاء ابد
جد متلخبطه مدري ايش الطريقه الصح بتدريسهم


سؤال ثاني
هل احتفظ بأوراق القياس بعد ما وقعوها اولياء الامور عندي او اخليها بملفات مع الطالبات

[bigevil]

شوفى ..

اوراق القياس لازم تحتفظين فيها .. وخصوصا اوراق الطلابات الىل انت حاسه انهم بيرسبون .. ولا ترسلينها لاولياء امورهم .. انت ترسلين لاولياء الامور تقرير عن الطالبه هل اتقنت او ما اتقنت وتكتبين فى مذكرة الواجبات اليوميه عن كل خطأ وتسوين تقرير للمرشده الطلابيه عن مستوى الطالبه وانه راح ترسب مثلا وتطلبين استداء لوليه امرها .. فى حاله انها تبي ترسب .. واساسا بالنهايه بعد ما يعرفون انها راسبه راح يشوفون لها طريقه تنجحها غصبا عنك .. لذلك نصيحيتي ثبتي اوراق وكثري لهم الواجبات ..

اما الدفتر فهو ثانوي مو مطلوب اساسا المطلوب كتاب النشاط .. انا استخدمه فقط فى الكتابه اقولهم اكتبوا الدرس والفوكابلري

الموضوع بسيط وانا موجود بالخدمه

[أم مهند:]

ثقلت عليك بالاسئله

انا معلمه مستجده وما شفت اي توجيه ولا مشرفات عشان اسأل وافهم

احس اني ظلمت طالباتي


ايش مطلوب مني غير اني اشرح لهم الدرس
مو مفروض اسوي املاء؟؟؟
بالمراحل الثانيه ثانوي ومتوسط اسوي لهم
لكن ابتلشت فيهم سادس

هل كل درس فيه نيو فوكاب؟
انا ماعندي لاكتاب طالبه ولا نشاط ولا كتاب معلمه

ما وفرت لي المدرسه


اسفه على الازعاج

[bigevil]

واله انت مكبرة الموضوع واسهل تدريس هو سادس .. انا ادرس متوسط بعد

والله الموضوع بسيط ..طيب انا عندى كتب الكترونيه اعطيك اياها


والشرح بسيط جدا جدا جدا انت بس انطقى الكلمه وخلي الفصل كله يرددونها وراك بشكل جماعى وبعدين بشكل منفرد .. وركزى على تركيب الجمله بشكل بسيط مع الفعل to be

وسي لهم املاء براحتك .بس اهم شي المطلوب منهم فى نهايه لاترم يعرفون يكتبون جمل بسيطه وسهله ويقرأون جمل بسيطه وسهله ويعرفون اكبر كم من لافوكابلري ...

بس

ولا تهتمين لا بمشرفه ولا توجيه ولا شي


انا موجود خبره فى سادس 5 سنوااات وخذي راحتك مافى اى ازعااج انا فااضي

[أم مهند:]

مشكور استاذي
الله لايحرمك الاجر


اتاري المسأله بسيطه وانا جايه مشحونه ومتحمسه

الله يوفقنا واياك ولا يضيع لنا تعب

[bigevil]

ام مهند


شوفى الرابط هذا فيه الكتب

http://www.saudienglish.net/vb/showthread.php?t=85299


واى شي تحتاجينه او استفسار ما فهمتيه انا موجود هوووون

[أم مهند:]

ما تقصر استاذي

الله يوفقك ويرزقك الزوجه الصالحه


حملتهم جزاك الله خيرا

[sunriverforever]

اشكرك جزيل الشكر والله اني حايسة بسادس

[bigevil]

اشكرك جزيل الشكر والله اني حايسة بسادس

ههههههههههههههههههههههههه ه

مدري ليش انتم حايسين بسادس وهي اسهل مرحله تدريس على الاطلاق وخصوصا بالتقويم صار اسهل بكثير


طيب وش اللى مخليك حايسه وانا احاول اشرحه لك

[قمرمر]

مـــــــــــــآآآآآآآآآآق صرت يجزاك ربي الجنة من فرج لاخية كربة فرج الله عنه كربة من كرب يوم القيامة جعل الله خدمتك لأعضاء المنتدى في موآزين حسناتك

[moon-light]

أنتي بس هدي أعصابك ومايصير الا كل خير لاتجهدين نفسك بزياده
بس والله حاسه فيك أنا الترم الأول تعاقدوا معي قبل نهايه الترم بشهر تخيلي بشهر بس شرحت دروس وقيمت والله أني أعطيهم كل يوم درس وأنا حصل 2 ماأقول لا



أول شي علامات الترقيم والحروف الناقصه أنتي دربيهم عليها بوقت الفراغ وخليهم يكتبونها بالدفتر من ورى أنا بعد كذا درس أخليهم يكتبون حروف ناقصه من نفس الدرس
وخصصي حصه تسألينهم عن الترقيم مثلا تكتبين على السبوره سؤال وتحطين بجنبه خيارين علامه أستفهام أو نقطه راح يختارون علامه إستفهام خلاص البنت الي تحاوب صح خلاص حطي بجنب أسمها صح بالتقويم وصلى الله وبارك يعني مو لازم ترتيب بالتقويم أنتي أبدئي بالدروس والي فيه تقويم قولي للبنات بكره راح أسمع لكم كذا وكذا حددي لهم وش تبين من الدرس كذا أسهل لك وأسهل لهم
وأدعي الله التيسير وموفقه يارب