أرجوووكم ساعدوني u 14 l 1

**looloo999** · 28-03-2011, 05:43 PM

السلام عليكم ورحمة الله
أعضاء منتدى سعودي انجلش الكرام
أهل القلوب الرحيمة <<< خطيرة

والله محتاسة وضايقة حيل

حاااسوني الأساتذة الله يسامحهم
.

.
طيب
. بدخل عالموضوع على طووول
انا كان عندي درس الوحدة 13 وطلبت تأجيله
عشان أستعد له جيدا
لأني خايفة وأول مرة
فعلا أجلووووه لكن غيرت الدرس(الله يسامحهم)
صار درسي u 14 l 1
واالله ماني عارفة وش السالفة

أبي مساعدتكم وأفكاركم بلييييز

والله يجزااكم كل خير

**looloo999** · 28-03-2011, 06:16 PM

plz
help me
as soon as possible

**looloo999** · 28-03-2011, 06:17 PM

**bigevil** · 28-03-2011, 09:13 PM

ههههههههههههههههههههههههه

لازم تسوون مناحه فى كل طلب انتم تنزلونه هنا ودموووع وحاله

اعطيني وقت اقرأ ادرس واساعدك ... بس متى بتشرحينه ؟؟ عطيني الموعد مهم جدااا حتى اقدر افكرلك بأفكار او ادورلك عروض

**Dreamy-Girl** · 28-03-2011, 10:27 PM

نفس درسي اللي ابشرحه ان شاء الله
والله سألت بالمنتدى محد عبرني ..
بسسس تدرين احسن شيء الواحد يعتمد على نفسه // حبيت يكون درسي حلوو لانه بيكون آخر تقييم لي . عاد رضيت بالامر الواقع وبديت اعصر مخ مخي واقلب بالكتاب لين انبثقت الافكار القميله :)
عاد مدري بتجي على مودك ولالا عالعموم اذا درسك بعد درسي اقدر اشوف النتيجه واخبرك .
تمنياتي لي وللجميع بالتوفيق

**الشموخ 9** · 28-03-2011, 10:43 PM

اوكي
اولا تقسيم الطالبات كعمل جماعي اللي هي طريقة التعليم التعاوني
خمس او ست طالبات في كل مجموعة ووزعيهم حسب مستوياتهم الدراسية
وبعدها تستخدمي وسائل مثلا تاخذي ورق اي فور الورق العادي وتسجلي علية الكلمات الجديدة كفلاش كاردز
وتعملي بوسترات بالصور في النت بتلاقي صور كثير عن الاكبر والاصغر والاسرع والاغلى سعرا والاضخم
وحاولي يكون الطالبات هم الاكثر فاعلية يعني يكون اسئلة واجابات
وممكن تستخدمي قصاصات ورقية
ومممكن تستخدمي طالبتين باول الفصل وحدة طويلة وحدة قصيرة
وتتركي الطالبات يكونو اسئلة وهما يجاوبو عليها
رااح ابحثلك عن عرض بوربوينت
وانزلة لك
تحياتي

**miss_vip** · 28-03-2011, 11:21 PM

والله ياريت تساعدونااا بفكره حلوه كـ درس نموذجي لهذا الدرس

**looloo999** · 29-03-2011, 09:28 AM

درسي السبت هذا‏‏
يعني ماعندي وقت

**looloo999** · 29-03-2011, 12:29 PM

الله يعطيكم العافية
واالله ماتقصرووون
بس أهم شي كيف أدخل بالدرس
صعبة جدا

تراني على حد البكاء

**looloo999** · 30-03-2011, 08:05 AM

plz
plz

heeeeeeelp me

**Dreamy-Girl** · 30-03-2011, 08:20 PM

سلااام:
ماتتخضيش يختي كل حاقه حتبأ تمام

شوفي انا شرحت درسي اليوم والله المشرفه ( من الكليه ) قالت درس قميل قداً هي بالعاده لازم تنتقد بس هالمره الحمدلله ..

المهم:

بالبدايه راجعي قاعده هاو تو كومبير بيتوين تو ثينقز

بعدين قولي ناو ليتس ستارت اور ليسون فور تودي

اطبعي صورة البوي ويذ بايب اللي هي في الكتاب اغلى صوره في العالم وحطيها ببرواز
واطبعي موناليزا وحطيها ببرواز اوكييه !! بعدين اسأليهم ويتش ون از مور اكسبينسف (( بيجاوبون عشوائي )) بعدين اشتري الحيوانات الالعاب حقت الصغار واعرضي لهم الفيل والحوت (( عن نفسي مالقيت الحوت الازرق اللي هو اكبر حيوان على وجه الارض علشان كذا سويته بالفلين ولونته بالالوان المائيه )) وقولي ويتش ون از بيقر , بعدين اعرضي لهم الفهد الصياد ( تشيتاه) والنمر المخطط واسأليهم ويتش ون از فاستر كلها بيجاوبون عشوائي اوكييي!!!
بعدها قولي اوول اوف يو انسرد بت هاو ديد يو نووووو؟؟
وي نووو ذس انفورميشن باي ريدينق ورلد ريكورد لايك جينيس ورلد ريكوردز .
وتكلمي عنه شوي وعن نفسي انا سويت ملف وسويت كفر له بالفوتوشوب وحطيت فيه اطول رجل بالعالم واسرع حيوان واكبر حيوان واضفت صور من موسوعة جينيس ضبطتها بالفوتوشوب ونسقت الملف وعرضت لهم مع شرح لكل صور .

بعدين قلت واي دو وي ريد ؟ طبعاً ماجاوبوا قلت لوحده دو يو ريد بوكس؟ قالت هااه
طلعت كتاب عن الشخصيه وقلت آت بريزنت تايم اي ريد ذس بوك بيكوز اي ونت تو انكريز ماي نولدج اباوت هيومن بيرسوناليتي .

بعدها قلت ليتس موف تو كونفيرزيشن ليلى اند ايمان ار توكين اباوت ورلد ريكوردز .

قريتها بصوت عالي بالانتونيشن لازم تكون قرايتك تمام او شغلي لهم عاللاب توب بعدين قومت ثنتين يقرون وبعدها شرحتها ومنها انتقلت للقرامر

شرحت القرامر كتبت جملتين سهله من عندي شرحتها وبعدها فتحوا الكتاب وشرحت لهم الموجود في البوكس والفراغات استنتجوا معي معاني كل الصفات اللي في البوكس
وضحي لهم بالحركات والامثله ونفسه الوجه ينقل المعنى تماماً .
عاد هنا تذكرت اني نسيت ماكتبت النيو وردز عالسبوره ياربيييي ضاق صدري وقلت بس بتنتقدني علشان كذا بس الحمدلله تداركت الوضع وقلت آت ذا ايند اوف يور ليسون اي ونت يو تو قيف مي نيو وردز يو قوت فروم ذس ليسون عاد كل بنت تقول كلمه واكتبها يعني صارت من ربي كأنها حركه مقصوده .
بعدها حليت فقره من الفراغات وقلت كملوا الباقي كواجب بصراحه كنت خايفه الوقت مايكفيني علشان كذا خليته كواجب وانتقلت للتطبيق .

التطبيق فلين رسمت فيه ثلااث مجموعات
1 / خاتم وايس كريم وكتاب وكتبت رينج از ---------------------

2 / بنات اطوالهم متفاوته وحطيت ولد طوييييييييييييل وكتبت احمد از ------------- ------------

3 / قطوه وتمساح وثعبان وكتبت كات از --------------- ----------------

وثبتت بالدبابيس فوق اوراق ملونه وكتبت عليها الصفات اللي تناسب كل واحد
حطيت اكسبينسف في ورقه ( للخاتم ) وحاطه موست لحالها ودنجرس للقطوه و حطيت ليست لحالها بعد وتولست وحستها مع بعض وثبتها بالدبابيس فوق الامثله .
المهم اقرأ الجمله واشرحها تقوم بالبنت تحط المناسب. ووزعت عليهم هدايا كل بنت تجاوب عطيها علشان يتحمسون البنات يشاركون .
وبس عاد يوم خلصت والحصه مابعد انتهت .. كملت معهم الاكسرسايز وعاد قامت المشرفه واول ماسكرت الباب قلت هاااه يالبنات تبون نحله ولا تحلونه واجب عاااد صرخوا بقووه لاااا واجب :) ووبس

لاتنسين تربطين بالواقع // اربطيه بالفن علشان اللوحات اللي حطيتيها بالبرواز و بالعلوم علشان هالحيوانات

ووبس ..

اتمنى تستفيدين من كل هالكلام واتمنى مانسيت شيء واتمنى لكي التوفيق <-- ياكثر امنياتك

وسوري عالتأخير لاني والله كنت مشغوله بدرسي عاد اول ماقمت من النوم رديت

.

**future hope** · 31-03-2011, 07:01 AM

My Allah bless you
الله يعطيك العافية ما قصرتي
و أفكار رائعه
** بس عندي سؤال بسيط !!!!!!! كيف ظبتي الوقت

نقدي الاول كان بسبة الوقت
والله يجعل لك من كل ضيق ِمخرجااااا أمين

**looloo999** · 31-03-2011, 11:17 AM

dreamy girl
الله يجزاك خير
والله ماقصرتي
وماقصروا باقي الاعضاء بعد

**Dreamy-Girl** · 31-03-2011, 04:09 PM

فيوتشر هوب
الله يسلمك
بصراحه بالنسبه للوقت كنت خايفه مره لان درسي طويل بس الحمدلله

ابقولك شيء انا قبل كنت اشرح وبس همي البنات يفهمون تشوفيني متحمسه مرره بالحصه بسس ماانتبه للوقت الا اذا سمعت الجرس عاد مشكله مره اذا كانت المشرفه حاضره وانتي ماضبطتي الوقت
علشان كذا .. حاولي انك تسرعين الاشياء وناظري الساعه بين جزئيه والثانيه مثلاً المناقشه 10 دقايق والمحادثه نقول تاخذين دقيقه انتي تقرينها مره طيب بيقرونها البنات يقعدون يتسحبون ساعه يالله يقومون نقول دقيقه قرايتهم نقول خمس دقايق تشرحينها 3 دقايق يعني راحت تقريباً عالمحادثه 11 دقيقه . وشيء مهم جداً لا تسلكين للبنات اذا غلطوا لازم تصححين لهم ويعيدونها صح.

وبعدها عاد عطي القرامر حقه اشرحي لهم جمل بسيطه باسماء وصفات معروفه لهم
وبعدين بيصير شرح اللي بالكتاب سهل عليهم لاني احس امثلة الكتاب ماتناسب مستوى البنات علشان كذا دايم القرامر لازم اشرح لهم من جمل عندي بعدها يطبقون على جمل الكتاب

وباقي الوقت حلي كم مثال وقولي كنتينيو ذا ريست از هوم ورك وادخلي عالتطبيق
بسسس الاهم حطي الوقت ببالك وانتبهي للساعه ..

( متخفيش هيا البدايه كذا ::: انا اول حصه لي دق الجرس وانا باقي ماخلصت الاكسرسايز اللي عندهم ولا عطيتهم ورقه العمل كان الدرس ريدنج وليسنينج -- مابز ريدنج -- هم بالعاده يحذفون اليسنينج بس انا عطيتهم علشان كذا البنات ضيعوا وقتي ولافهموا لانه يبي له لغه انتي اسمعي وجاوبي ذاك اليوم بصراحه كأني اشرح لنفسي تحطمت مرره على اني تاعبه بس ماكان فيه تفاعل

حتى المشرفه قالت درس قميل وشرحك كويس لكن واضح انو البنات مش فاهمين

بس اعجبني في البنات على انو الدرس كان صعب عليهم الا انهم كان يحاولون يقطون كلمات لين تضبط معاهم علشان كذا عطيتهم هدايا عاد يوم جت حصتي الثانيه كان محادثه وقرامر بصراحه كانوا رهيبات من جد وانا اشرح قسم بالله طول الوقت مبتسمه من الفرحه
كان درسهم الدايركت والان دايركت اوبجيكت

والثالثه شرحت عند ثالث كان درس حلو بس الله يهديها اللي قبلي ماطلعت من الفصل الا عقب طلوع الروح علشان كذا ماكفاني الوقت شرحت لهم المحادثه والقرامر شرحته بسس ماعطيتهم تمارين عليه

عاد عقب ثالث حصه حسيت بالذنب وصرت انتبه للوقت ووبس <-- ياكثر كلامك

هذي اجابة السؤال البسيط

والله يوفق الجميع

**Dreamy-Girl** · 31-03-2011, 04:11 PM

لولو
الله يسلمك بسس اهم شيء شدي حيلك واشتغلي في درسك وبالتوفيق يارب

**looloo999** · 31-03-2011, 05:29 PM

تسلمي يااااااااب
بس بسألك سؤال
الكلمات الجديدة بالدرس
كيف أقدمها للبنات
ويقولون لازم أخلي البنات يرددون ورايا وشغلات كذذا
بس أساسا ماني عارفة وشي الكلمات أصلا
يمكن الحوت والغزال و ش بعد؟؟

والله يجزاك خير
بعد في شغلة
انا درسي مناقشة و محادثة وبس
كيف اطول بالمناقشة
لن وقت الحصة طويييل
وربي يسعدك

**Dreamy-Girl** · 31-03-2011, 08:21 PM

المشاركة الأصلية كتبت بواسطة looloo999

تسلمي يااااااااب
بس بسألك سؤال
الكلمات الجديدة بالدرس
كيف أقدمها للبنات
ويقولون لازم أخلي البنات يرددون ورايا وشغلات كذذا
بس أساسا ماني عارفة وشي الكلمات أصلا
يمكن الحوت والغزال و ش بعد؟؟

والله يجزاك خير
بعد في شغلة
انا درسي مناقشة و محادثة وبس
كيف اطول بالمناقشة
لن وقت الحصة طويييل
وربي يسعدك

شوفي من ناحية كيف تقدمينها !! >> وانتي قاعده تشرحين ومرت عليك كلمه غريبه عليهم علميهم المعنى بطريقه ( ممنوع تتكلمين عربي انتبهي )
اول شيء بسألك : قريتي ردي كله؟؟؟
لاني موضحه كيف سويت
الحيوانات اشتري العاب الصغار
الحوت سويته بنفسي لاني مالقيته
كلمة ورلد ركورد انا سويت الملف صاير مثل موسوعة جينيس وحطيت فيه صور زياده ( بس بنسختي طبعاً :)
والصفات مثليها وارسمي عالسبوره وتحركي بالفصل لاتثبتين بمكان واحد ابداً

بصراحه ماخليت احد يرد وراي على حد علمي انو يرددون اذا كان الدرس فوكابلوري
وحلو بما نو درسك قصير طولي بالمناقشه يعني جيبي معلومات اكثر عن الاشياء اللي بموسوعة جينيس واسألي البنات من تعرف شيء ثاني بموسوعة جينيس

وبالنسبه للمحادثه بما انو فيه وقت اقرأيها بعدين بنتين يقرؤنها بعدها اشرحيها وحطي لهم اسئله وارجعي خليهم يمثلونها
بس غريبه درسك بس مناقشه ومحادثه < تأكدي اخاف تتوهقين

**looloo999** · 31-03-2011, 09:02 PM

يااااقلبي والله قراته كاملا الله يعطيك العافية

بس تحملين شوي تعرفين اول مرة

سألتك مثلا لو اوريهم صورة الحوت والفهد
أسألهم وت از ذس (قبل ما أقارن طبعا)
وأخليهم يرددون أو يقرونها مثلا
وبعدين أقول أيهم اسرع مثلا

أدري ما إنعطي وجه

**Dreamy-Girl** · 31-03-2011, 09:13 PM

لا والله عادي ياعسل
بس غريبه اول مره تشرحين
الصور اهم شيء بالموضوع ماتقدرين تعطين درسك بدونها وخاصة مع حضور المشرفه
عاد مشرفتنا تحب الوسائل اللي على قولتها ريل اوبجكتس علشان كذا جبت الحيوانات
وانتي سوي اللي يريحك .
وبالنسبه لكونك تبين تورينهم الصوره وتقولين وش ذا؟
اتوقع الافضل تسألينهم ويتش ون از فاستر تشيتاه وارفعي صوره الفهد وقربي منهم وخلي كل البنات يشوفونها بوضوح بعدين قولي اوووور تايغر وارفعي لهم صوره نمر وهكذا

واي سؤال انا حاضره اصلاً قاعده بالمنتدى علشان موضوعك يعني هيك متحمسه علشان بتشرحين نفس درسي >< مبزره وحطوهم مدرسات :)

**looloo999** · 31-03-2011, 09:28 PM

هههههههههههه
تسلمين ياااارب
ماقصرتي
أنا تربية ميدانية
وع اساس اشرح من أسبوع
بس هذا النصيب

ربي يسعدك كفيتي ووفيتي
وماقصرتي
ان شاءاالله ببشرك بالنتايج السنعة

**Dreamy-Girl** · 31-03-2011, 09:35 PM

مررره متأخرين انتم الحين صرت تدريب متصل وانتوا باقي الاسبوع الثاني بالمنفصل
عالعموم بالتوفيق للجميع
بعدين غير الممتاز مابي << الله يستر من مشرفتنا والله انها راعية حركات

**looloo999** · 31-03-2011, 09:43 PM

تسلمي
ماعندنا متصل
نطلع لمدارس كل أسبوع أو أسبوعين ونشرح درس
وكذا لاخر الترم
بالتوفيق ياغالية
وربي يهدي مشرفتكم

**future hope** · 01-04-2011, 03:59 AM

Dreamy Girl
May Allah bless and protect you along your way
My lesson will be (inshaAllah) on Sunday .And I'll tell you what will happen with me .

I ask Allah reconciliation and happiness for you

**Dreamy-Girl** · 05-04-2011, 02:22 PM

مشكورين ياحلوات ع الدعوات الحلوه
وبشروا وش صار معكم!!
عن نفسي خلصت ولله الحمد الثلاثاء كان عندي شرح بس كان في نسبة غياب كبيرررره بين الطالبات
الاثنين علشان كذا المديره سمحت لطالبات الكليه يغيبوون الثلاثاء والاربعاء <__ الله يجزاها خير *ــ*

**That's It** · 05-04-2011, 11:35 PM

ســــــــــــــــــــلام عليكم

بليييييييييييييز الله يخليكم اذا احد موجوود يرد علي انا نفس الدرس بس صفحة 51 يعني القرامر

وش الكلمات الجديدة عليهم و كماان ابغى أكثر من هدف