بوربوينت وطريقتي في شرح U15 L2 people said ثالث متوسط

**وسط الاهداب** · 30-04-2011, 02:32 AM

السلام عليكم ورحمة الله وبركاته
بدون مقدمات هذا درس صلحته بالتربيه الميدانيه .. الحصه النهائيه ..
يعني كأنه إختبار نهائي ..

المهم الدرس كان فوكابلري بس .. وأحترت كثير كيف بقدم هالدرس ؟؟
بحثت كثير بالنت وطلعت عرضين بوربوينت وعدلت فيهم شوي ..
وصلحت فلاش كاردز بالكلمات ..

أولًا : بداية شغلت الفلاش الإنشادي هذا على بال ما وصلو الطالبات للفصل لإنهم كانو بمعمل العلوم ..
وبعد على بال ماوصلت الاستاذه اللي بتقيمني ..

<<<<<< أحب ذا الإنشوده تعيشني في جو ثاااني ..

ثانياً : بديت بمقدمه تعريفيه لليونت لإن درسي كان أول شئ يأخذونه بذا اليونت ..
طبعاً بما إن اليونت people said فحبيت المثال يكون عن شخص مشهور ..
ومالقيت غير حبيب الشعب عبدالله ..

هنا الفلاش ..

وجبت معاي لوحه .. لصقت عليها صورة بابا عبدالله .. وكتبت الجمله اللي قالها ..
دام إنكم بخير , أنا بخير .. مترجمه طبعاً <<< أكيد مو عربي

وقلت لهم مثال من داخل السعوديه .. الدكتور عايض القرني ..

وأخذنا إقتباس من كتابه .. وخليت وحده من البنات تقرأه ..

بعدين قلت لهم من خارج الوطن العربي .. وكنت كاتبه المثال برضوه ع اللوحه
وهو موجود بالكتاب نيل أرمسترونغ
..

ثالثاً : دخلت دايركت ع الكلمات لإنها 10 فقلت حفاظ ع الوقت أبدأ بسرعه ..

وشغلت هذا العرض .. أخذته من النت .. كلمه كلمه ..

عرض 1 هنــــا

ومعاي فلاش كاردز لكل كلمه وأخلي البنات يكررونها وأعطي الورقه وحده منهم عشان تمليني السبلنق ..
وحلينا التمرين مع بعض اللي بالكتاب ..
وبعدين شغلت عرض ثاني فيه أمثله ع الكلمات ..

عرض 2 هنــا

رابعاً : التطبيق
الحاجه الوحيده اللي يحبونها البنات عشان الهدايا ..

فكرتي فيه خمس بطاقات .. وحده فاااضيه .. يعني اللي تأخذها مايطلع لها سؤال ولا هديه ..
والثانيه .. مبــــرووك تأخذ الهديه بدون سؤال ..
والثالثه .. حولي السؤال لوحده من صديقاتك .. أنتي تختارينها ..
والرابعه والخامسه .. أسئلــه ..

خامساً : خاتمه الدرس .. قلت لهم إن أفضل كلام هو كلام الله سبحانه وتعالى ثم كلام رسولنا محمد صلى الله عليه وسلم مو كلام البشر حتى لو كانو مشهورين ..

ووزعت عليهم هذي التوزيعات .. وفيها أحاديث عن فضل الذكر.. ومعها أذكار النوم ..

وختاماً : شغلت إنشوده عن الصداقه<<< لإن الدرس فيه كلمة صداقه

وهنا كل أدوات الدرس .. العرووض والفلاشات .. بملف وااحد ..

هنا

دعواتكم بتفريج الهم .. وأي خدمه أنا حاضره ..

**نوافي** · 30-04-2011, 03:30 AM

ماشاء الله تبارك الله

أفكار رائعة وجهود اروع
لو انا مشرفتك كان عطيتك 100
أحب الدروس اللي تفعل من الواقع والحياة العامة
وبذلت الكثير لانجاح درسك وحبيت تفيدي الغير بما انجزت

ولاني حبيت جهودك وانجازك ياقمر
بثبت موضوعك لفترة للاستفادة العامة

كل الشكر لك
وجزاك الله خيرا
اسأل الله لك التوفيق والأجر

**90210** · 30-04-2011, 03:42 PM

افكار روووعه .. جزاك الله خير

**البـارع** · 30-04-2011, 03:46 PM

وسط الاهداب

افكار وعروض جميلة ومميزة
يعطيك الف عافية
وشكراً لكِ

**وسط الاهداب** · 30-04-2011, 07:08 PM

المشاركة الأصلية كتبت بواسطة نوافي

ماشاء الله تبارك الله

أفكار رائعة وجهود اروع
لو انا مشرفتك كان عطيتك 100
أحب الدروس اللي تفعل من الواقع والحياة العامة
وبذلت الكثير لانجاح درسك وحبيت تفيدي الغير بما انجزت

ولاني حبيت جهودك وانجازك ياقمر
بثبت موضوعك لفترة للاستفادة العامة

كل الشكر لك
وجزاك الله خيرا
اسأل الله لك التوفيق والأجر

شكراً لك ياغاليه .. وإطرائك رفع من معنوياتي كثير ..

تسلمين ع الدعوات الحلوووه ..

**وسط الاهداب** · 30-04-2011, 07:09 PM

المشاركة الأصلية كتبت بواسطة 90210

افكار روووعه .. جزاك الله خير

الأرووع مرورك ... ويااااك إن شاء الله ..

**وسط الاهداب** · 30-04-2011, 07:10 PM

المشاركة الأصلية كتبت بواسطة البـارع

وسط الاهداب

افكار وعروض جميلة ومميزة
يعطيك الف عافية
وشكراً لكِ

الله يعافيك .. وشكراً ع المرور ..

**نواف الخالد** · 30-04-2011, 07:26 PM

جزاك الله كل خير وبارك الله فيك

**اوراق الحياة** · 02-05-2011, 01:38 AM

جزاك الله كل خير وبارك الله فيك
ابدااااااااع

**HMOOOODI** · 02-05-2011, 06:53 PM

فرج الله كربك
وجزاك الله الف خير وجعله بموازين حسنلتك

**@ومضة@** · 02-05-2011, 10:38 PM

فرج الله همك

ويسر الله لك كل معسر

الف شكر لك

جميييييييييييييييييل جدا

**وسط الاهداب** · 04-05-2011, 12:41 AM

شكراً ع مروركم جميعاً ..

**ثلوج بيضاء** · 05-05-2011, 12:26 AM

**maji636** · 05-05-2011, 06:22 PM

شكراً لك على هذه الكلمات الرائعة

**البراحة** · 06-05-2011, 07:10 PM

ماشالله الله لك مستقبل زاهر بأذن الله

**العنود22** · 06-05-2011, 07:49 PM

ماشااء الله مره مره اعجببني تبارك الله
بس لو سمحتسي انا طالبه زيك وعندي تقيمم يوم الاحد على الدرس هذا
عادي الله لايهينك ترسلين لي تحضيرك برساله خاصه
ووش بعد ايه بالعرض يطلع الكلمه وتحتها سوال مامعناها كيف شرحتيلهم معناها هل مثلتي بشي للككلمه ولاقلتيه على طول ؟

انتظر ردك والله يرزقك ويوفقققك

**وسط الاهداب** · 06-05-2011, 09:55 PM

المشاركة الأصلية كتبت بواسطة العنود22

ماشااء الله مره مره اعجببني تبارك الله
بس لو سمحتسي انا طالبه زيك وعندي تقيمم يوم الاحد على الدرس هذا
عادي الله لايهينك ترسلين لي تحضيرك برساله خاصه
ووش بعد ايه بالعرض يطلع الكلمه وتحتها سوال مامعناها كيف شرحتيلهم معناها هل مثلتي بشي للككلمه ولاقلتيه على طول ؟

انتظر ردك والله يرزقك ويوفقققك

تسلمين حبيبتي ..

أبشري التحضير بيوصلك ع الخاص ..

وبالنسبه للسؤال اللي تحت الكلمات : هو نفسه جواب التمرين اللي بالكتاب ..

يعني مثلاً : Wealth

to be rich قلت لهم معناها هذا .. وهو نفسه اللي بالتمرين .. وقلت لهم ركزو معاي في معاني الكلمات عشان بنحل التمرين بعدها ..

وفيه في فكره حلوه وحده من صديقاتي مصلحتها جايبه أمثله ع الكلمات .. وفي ذا المثال جابت فلووس وصرافه ...

ومثال الصداقه .. قومت ثنتين منهم أنا أعرفهم من قبل قد شرحت عندهم .. وقلت فيه مشاعر بينهم يعني بينهم صداقه .. وهكذا ..

وبعد التسامح قومت ثنتين وقلت لهم لو زعلت عليك .. تسامحينها وهكذا ..

وطبعاً مايفهمون غير بعد طلوع الروح ..

إن شاء الله أفدتك فيه ..

والله يوفقك ويحقق لك مناك وتطلع حصتك حلوه يارب <<<< حاسه بشعورك ..

**H.N.N** · 07-05-2011, 12:46 PM

روووووووووووووووووووووووو وووووووووووووووعة

**وسط الاهداب** · 08-05-2011, 12:30 AM

شكراً على مروركم جميعاً ..

**Dr.Zezo** · 08-05-2011, 10:08 PM

Thank you very much

**^lady manal^** · 09-05-2011, 01:55 AM

جزاك الله كل خير وبارك الله فيك

**بنتهم** · 09-05-2011, 02:02 AM

اااااابداااااع

شكراً لك على هذه الكلمات الرائعة يعطيك العافية على التميز الدائم ؟

**رمز الحنان** · 09-05-2011, 06:43 PM

الله يعطيك العافيه

**رغد الاسد** · 09-05-2011, 09:51 PM

الله يفرج كربك ويرزقك بس العرض الثاني ما يشتغل وايضا الاشياء اللي جمعتيها في الملف ما اشتغل بالله شوفيه

**العنود22** · 09-05-2011, 10:32 PM

ابشرك
درسي طلع جمييييييييييييييل جدا :)

واعجبها

وصديقاتي اللي نفس درسي استفادوا منك بعد واعجبها

الف الف الف شكر لك

الله يجعل جزاك جنه عرضها السموات والارض

قلت بعلمك :)

لان مايرسل خاص عياااا

ثانكيوو سووو متش