تحدي صعوبات الوحده الثالثه عشر

[mashal]

أسعد الله كل اوقاتكم بكل خير

سؤالي:

القاعده تقووووووووووووول :
would you mind stopping .....?

المهم
معنى السؤال هل تمانع ان تقف .....

فالبديهي لو يقول (( نعم )) معناته انه ممانع ولو كانت الاجابة (( لا )) معناته مايمانع

فهل القبول والرفض في هذه الحاله مثل الحالات الثلاث الباقيه ام بالعكس؟؟؟؟؟؟؟؟؟

اتمنى ان اجد اجابة

[mo7med]

Bar of chocolateاعتقد معناها لوح من الشوكولاته

[znbaq]

ماشاء الله ماقصرتوا يعطيكم ألف عافيه

هذي أول مشاركه لي وحبيت أفيدكم لأن توني داخله بالوحده وحضرت لي المشرفه الأولى وعجبها الدرس مره.
طبعا أنا أعطيت أمس الدرس الأول أخذتهم للتدبير منها تغيير لجو الفصل ومنها ربط بالوحده
.. بديت بأن راجعت الوحدات السابقه سألتهم عن القصص وأنواعها وعن الإختراعات وعن أي مهرجان يقام بالمملكه فقط لإستحضار المعلومات ويكون ذهنهم دائم حاضر.

دخلنا باليونت الجديد قرأت الآيه ( وكلوا وأشربوا ولاتسرفوا ) سألتهم عن العنوان وشرحت لهم كلمة
healthy وعكسها وسألتهم يسمون بعض الأطعمه اللي ممكن نعتبرها صحيه وغير صحيه..ووريتهم بعض الصور بأرفقها مع المشاركه. دخلنا على صور الكتاب وشفنا الهرمين A و B وتكلمنا عنها وجاوبنا على السؤالين.. بعدين عرضت لهم بالبروجكتر صوره للهرم الغذائي وتعرفنا على مجموعاته..وسألتهم السؤال الرابع والخامس..وأعطيتهم بعض المعلومات الصحيه.
أنوا مو شرط أن وزنك حلو وماتعانين من السمنه هذا دليل صحه بالعكس نتيجة أكلك للفاست فوود ممكن يرتفع عندك الكولسترول والدهون الثلاثيه .. ممكن تعانين من فقر الدم لعدم تناولك أطعمه صحيه.وكمان اللي تعاني من السمنه هذا مو صحي يعني لا إفراط ولاتفريط.

بعدين دخلنا على المحادثه وعرضت المحادثه الموجوده في سي دي الأستاذ غانم الحارثي وحسيت البنات جدا انبسطوا منها ورددوا بعده وتكلمنا فيها , بعدين سألتهم عن حديث الرسول صلى الله عليه وسلم ( فثلث لطعامه وثلث لشرابه وثلث لنفسه) وتكلمنا عن أهمية تنظيم الوجبات والأكل عند الشعور بالجوع.
في الأخير حليت السؤال في الوورك بوك صفحه عشرين وموجود على السي دي.
هذا الدرس حاولت ألخص لكم بالضبط وش سوينا.
................................

بالنسبه للدرس الثاني اللي حضرتي لي فيه المشرفه كان القرامر والفوكابلري قسمت البنات مجموعات في الفصل , راجعت الدرس السابق, وزعت عليهم أوراق عمل وحده للقرامر والثانيه تطبيق على طرق الطهي..الورقه الأولى جبتها من سي دي الأستاذ غانم الحارثي والورقه الثانيه أنا سويتها وبأرفقها بالمشاركه.
جبت لوحه عليها تلخيص القاعده وشرحت لهم كيفية الطلب مع بعض الأمثله و وشلون نجيب بالقبول أو الرفض بعدين فتحت الكتاب وطبقنا على الأمثله الموجوده وتفاعلوا البنات بشكل رائع. كنت أطلب من بنت تسوي طلب ,والثانيه قبول , والثالثه رفض.
لحد ما أستوعبوا القاعده بعدين حلينا ورقة العمل الأولى. بعدين أنتقلنا للفوكابلري طرق الطهي وأستخدمت لشرحه صور وأدوات منزليه أحضرتها معي.بعد ماخلصنا وفهموها البنات كان التطبيق الأخير جبت فواكه وكانت ورقة العمل عن سلطة فواكه ايش الطرق المستخدمه لعملها فمسكت كل بنت ورقتها وبديت أسوي لهم سلطة الفواكه وهم يعبون الفراغات.بعد ماخلصت حليناه مع بعض وأنبسطوا البنات من التطبيق وفي نهاية الحصه المجموعه المتميزه وزعت عليها شيكات للمقصف بالإضافه لبروشات دائريه مكتوب عليها متميزه وبعضها ممتازه .

بصراحه من أروع الحصص صحيح كانت سهله وبسيطه وهذا الحلو فيها, وكمان الحلو أنوا تفاجأت من مستوى بعض الطالبات الضعيفات مع العمل الجماعي ومن الحماس في الحصه شاركوا أكثر من الممتازات.

أعتذر عالإطاله ..

ودمتم في رعاية الرحمن.

[dove]

افكار لبداية الوحدة

http://www.saudienglish.net/vb/showthread.php?t=69225

[dove]

رابط اخر للمقدمة للشامخ جزاه الله خير

http://www.saudienglish.net/vb/showthread.php?t=69225

http://www.saudienglish.net/vb/showthread.php?t=69386

شرح الدرس الثالث

http://www.saudienglish.net/vb/showthread.php?t=69386

[سَ ..]

السلام عليكم

الف شكر لكل من ساهم برد بهالموضوع .. صدق لاقالو ربعن تعاونو ماذلو ..

الله ينصرنا على هالمنهج الغثيث ..

على كل حال انا راح ابدا درسي الاول بكره ..

وراح اقدم الوحده على طول بدون مراجعه للدروس السابقه لاني ناويه اعطيهم الدرس الاول كامل بالقرامر بعد ..

راح ابتدي بالسؤال الاثري ..

How many meals do we have a day

وبعد مايجاوبون

راح اختار طالبتين وابدا اهريهم بالاسئله .. وحده عن فطورها اليوم ووحده عن عشائها البارح

what do you have for breakfast to day

for dinner last night


طبعا مع تشجيعهم حتى لو مايعرفون الوجبه بالانقلش اقولهم يقولوها بالعربي .. رز وخضار .. جريش ..شاورما .. مرقوق .. اي شي

وبعد ماتجاوب كل بنت راح اوجه السؤال للطالبات

what do you think of her breakfast ? is it good for her body

همن اقدم كلمة healthy

وعنوان الوحده .. والباقي تقريبا نفس طريقتكم بشرح الاهرام اللي بالكتاب ..

ثم تقديم المحادثه والموقف وقرائتها واجابه السؤالين اللي في كتاب المعلم .. ثم تقديم الكلمات الصعبه فيها اللي هي fibre و empty
وكل كلمه بفلاش كاردز اشرحها ويرددون الكلمه جماعي وفردي همن اعلقها على السبورة بمغناطيس .. << عجازه ماحب اكتب
ثم حديث الرسول عليه السلام .. ونصيحته بكل مايخص الاكل ..

بعد كذا راح اخليهم يحطون خط تحت السطر الاول من المحادثه

would you mind stopping

ونشرح القاعده .....


ووووتقريبا كل اعتمادي على الفلاش كاردز لان طالباتي متعودين على كذا لدرجه لو ادخل من غير فلاش كاردز احس ودهم يذبحوني وينطون للحصه اللي بعدها ..



وهنا موضوع البطاقات للي وده يستفيد ..


http://www.saudienglish.net/vb/showthread.php?t=70321

[سَ ..]

عطوني رأيكم ضروري الله يجزاكم الجنة . اخترت الجزء الثاني من الدرس الثالث في الوحدة 13 درس نموذجي إيش رأيكم هل يكون فعال و إيش الأفكار الجديدة عندكم انتظر الرد بفارغ الصبر لأنه راح أسويه الأسبوع الجاي إن شاء الله

الدرس غثيث من وجهة نظري يمكن لاني ماحب الطبخ وطالباتي كثييييييييير كانهم نقل جماعي .. :(

بس عموما اي درس نموذجي يعتمد على الطالبات .. اختاري السهل اذا طالباتك مستواهم عادي .. واختاري الصعب اذا مستواهم ممتاز .. ولاتفكرين تسوين ابد اذا هم كسلانين هههههه ..

اذا طالباتك شطورات ومتعاونات ومشاركات توكلي على الله وخذيهم لغرفه التدبير وطبقي الدرس هناك واكتبي على كل شي اسمه بالانقلش مثلا علبه الدقيق حطي عليها فلاش كاردز باسمه .... الخ .

اعتقد بيكون حلو وبالتوفيق ان شاء الله..

[الريمي 2]

يعطيكي العافية و جزيتي خيرا يا انجلشة أنا فكرت أسوي الحصة ف الفصل لأنه التدبير صغير جدا و راح اخلي مجموعة فقط تطبق لنا أي أكلة بسيطة عملي بعد ما نناقش الكلمات الجديدة و نحل تمرين الكتاب و الباقين يكتبوا طبخات في كتبهم ع الوقت و ممكن أحملهم لعبة طبخ... إيش رأيكم فيه أفكار ثانيه ألله يوفق من يرد علي

[Miss. BeshoOo]

بسألكم سؤال ممكن يكون غبي شوي بس احترت بإجابته ؟

المجموعات الغذائية اربع مجموعات والا ست مجموعات ؟

ابغى كلام موثوق ترى بقولها بدرسي النموذجي ..

[نورالنار]

4 مجموعات رئيسية
المجموعه الثانيه تنقسم الى قسمين
والثالثه كمان تنقسم الى قسمين
يعني المجموع 6

الفواكه+ والخضورات في المجموعه الثانيه
اللحوم والاسماك + الحليب وومشتقاته في المجموعه الثالثه

[مظلومة دنياها]

thanks a lot to all

[نوارة جدة]

شكرررررررررررررررا لك

[blue sky 2010]

Thank you all for your great,helpful ideas

[دفء الحنين]

يعطيكم ألف عافية

[تبارك الله]

افكار رائعة جداااااا

[احلى جوووري]

يعطيييييييييك العافييييييييييييييية

[حب الامل]

اعطوني افكار مره حلوة الله يوفقكم مشرفتنا ما يعجبها شئ واحنا بالوحدة ال13 الدرس القرمر للسبت الله يجزاها الحنة اللي تنقذني وتقولي افكار

[حب الامل]

ردو علي بسرعة الله يوفقكم

[نواف الخالد]

الله لايحرمنا من هد ا المنتدى الرائئئئئئئئئئئئئئئئئئئئئ ئئئئئئئئئئئئئئع

[الوقت مهم]

عندي درس بحضور 14 معلمه وراااح اسوي الفصل على شكل هرم غذايي واجيب سليتين وحده اكل صحي ووحده اكل مو صحي====وكمان رااح اعرض مقطع فيديو عن الاكل الصحي وهو عباره عن قصة اسره
وراح اسوي ورقتين عمل ومتاهه على شكل تفاحه والهديه رااح تكون جوال مع شريحه====لاتصدقووون الهديه جوال لعبه وشريحة جبنه===وكمان حفضت البنات انشودة عن شكر النعم

[جروح 2012]

[شربكه]

أقسم بربي انك مبدع

[bylsan]

افكاااااااااااااااااار مررره راااائعه بتسااعدني في درسي ان شاءالله

[دانة 2002]

يا جماعة الدرس الثالث محتارة كيف اشرح القاعدة

[● Ṡeяεиiτч . . ☆]

جزاك الله كل خير وبارك الله فيك