استفسار بخصوص better english now

**امل الحياة 7** · 23-09-2011, 03:22 PM

السلام عليكم...
عندي استفسار بخصوص better english now level 1 للصف الاول هل اقوم بتدريس الاحرف اولا وعند الانتهاء اقوم بتدريس الكتاب

ام اقوم بتدريس الكتاب مع الاحرف في نفس الوقت مدرستي اعتمدت 8 وحدات الترم الاول
واذا كان الاحرف كم حرف بالاسبوع

لقد لاحظت بان الوحدة الاولى في كتاب التمارين لا تحتوي على الاحرف بينما الوحدات الاخرى يوجد بها احرف
وايضا يوجد لدى سؤال لقد لاحظت في بعض التحاضير يتم تحضير الوحدة كامله مع بعض ليس درس درس هل هذا شي مسموح بصراحة لأنني جديدة في التدريس
اريد منكم توجيهي الى الطريقة الصحيحة وجزاكم الله خير الجزاء

**M3ali** · 24-09-2011, 08:14 PM

وعليكم السلام ورحمة الله وبركاته ..

أنا مثلك معلمه جديده واستشرت معلمات قديمات وقالو لي الأفضل انك تعطين بالأسبوع فرضا حرفين أو ثلاثة .. وتبدين درس أو درسين على حسب الدرس اذا كان سهل او صعب وعلى حسب عدد حصصك بالأسبوع .. انا بالنسبة لي طالباتي متعبات بعضهم مادرس انجليش ابد ولا يعرف الأحرف وبعضهم يسبقوني بالشرح ويبون يطلعون يكتبون الأحرف بنفسهم على السبورة لأنها تعتبر اشياء تافهه بالنسبه لهم .. يعني مستوايتهم متفاوته وهذا شي متعب الصراحه خصوصا انهم اطفال .. عموما انا عندي 5 حصحص المستوى الأول فا قررت اقسم الأحرف على الترمين أعطيهم أحرف وكلمات لأن الأحرف انتي تعلمينهم اياها كتابةً وشكلاً ونطقاً .. يعني تدرسينهم الأحرف بالتفصيل وهذا يعد اجتهاد شخصي منك مو داخل المنهج .. لكن لو مشيتي على المنهج راح تعلمينهم كيفية نطق الكلمة ويحفظونها شكلاً .. يعني مو بالتفصيل اللي راح تدرسينهم فيه الحروف .. واتمنى اني فدتك ..

طيب عندي سؤال ؟؟
أنا احتاج تحضير صف أول وثاني وثالث من وين أقدر ألقاه لأني دورت كثير ويوم لقيت حق صف ثاني فتحته طلع رابع وتعبت الصراحه و أنا ادور ولا لقيت شي .. ياليت أحد يفيدني .. ولكم جزيل الشكر

**امل الحياة 7** · 24-09-2011, 10:44 PM

بصراحة ردك شجعني لأن كلامك نفس الي كنت افكر فيه اني عندي 5 حصص بالأسبوع واعتمدت 8 وحدات الترم الاول طبعا الخطة بتكون كتالي كل اسبوعين وحدة مع 3 أحرف ماعدا الوحدة الأولى اسبوع وبدون احرف
خلصت بحمد الله الوحدة الأولى وراح نبدء بالوحدة الثانية طبعا الاحرف بدرسهم اياهم بدون ترتيب نفس نظام كتاب التمارين يعني بالوحدة الثانية نبدء (c-o-a) أتمنى اكون أفدتك
بس حبيبتي انك تقسمي الاحرف للترمين مايصير لازم نهاية الترم نكون خلصنا الاحرف
حبيبتي انتي بأي مدرسة ؟؟
بالنسبة للتحضير اخذت التحاضير من المنتدى مع تغيير بسيط جدا وتم بحمد الله طباعة التحاضير لكامل المنهج بالتوفيق

**M3ali** · 25-09-2011, 12:56 AM

أنا والله كنت حاطه ببالي أخلص الأحرف بترم واحد .. بس قالت لي معلمة قديمه أن أفضل لو تقسمينها لأنك لآزم ترسخينها بمخهم خصوصا الكتابة يكتبون على الأربعة اسطر بدون أي خطأ وبدقه ويعرفون كيفية النطق .. بحيث أول مايشوفون كلمة فيها الحروف اللي درسوها على طول يعرفونه ويساعدهم بالتهجي اذا صاوا يقرون كلمات كامله .. وشكلي راح أسوي مثلك بمشي على أحرف كتاب التمارين ..

أنا بمدرسة بالجبيل الصناعية ..

طيب أمممم وين لقيتي التحاضير لأني عجزت الصراحة أدورهم واذا لقيت وفتحت يطلع الـ grade شي وأسم الـ level بره شي ثاني ..

ويعطيك العافية وموفقة يارب بحياتك العملية الجديده ..

**نص شكسبيره** · 25-09-2011, 08:44 PM

السلام عليكم

انا مثلكم ادرس منهج better english level 1, level2

بالنسبه للمستوى الاول بدءت ذاك الاسبوع باعطاءهم حرفين يوميا
ومن اليوم بدءت الدرس الاول بالكتاب مع حرفين

تحسون صعب
او كبير على مستواهم

افيدوني لاني اول مرره ادرس منهجهم

شكرا

**امل الحياة 7** · 25-09-2011, 10:53 PM

من ناحية الصعوبة تفرق على حسب الطلاب عندي4 فصول 2 منهم يبردوا القلب
والثالث زفت يرفع الضغط والرابع نص ونص
اني عملت اليهم كراسة 3 اقسام قسم الكتابة وقسم القراءة وقسم للإملاء

**خبريهمك** · 26-09-2011, 04:22 PM

**نص شكسبيره** · 26-09-2011, 07:36 PM

شكراااااااااااااا لك

**M3ali** · 26-09-2011, 08:43 PM

ترى راح يطفشونك لأنهم أطفال لاتضغطين بالحروف عليهم لأن حرفين باليوم مررره كثير .. الا اذا مستواهم كان عالي وتلاحظين انهم يكتبون بدون أخطاء خصوصا على الأربع سطور وتعرف تنطق الحرف وتقراه مثلا letter A ننطقه أ .. وتعطينهم كم مثال وتخلينهم يستوعبون لأن ترى الأطفال ينسون بسررررررعه .. لازم يرسخ الحرف خصوصا أن في بنات مادرسوا روضه ولا تعرف شي عن الحروف .. عشان كذا انا اشوفه اجتهاد شخصي منكم لما تعطون البنات الحروف بكل تفصيل ..

حبيباتي ياليت تفيدوني بالتحضير لأني جدا متوهقه للحين ماعندي تحضير وانا مطالبة فيه خصوصا ان الاسبوع الجاي هو الرابع وراح تبدأ الوكيلة تراجع دفاترنا .. ياليت تفيدوني .. وأشكركم على التعاون وربي يجعله بموازين حسناتكم =)

**امل الحياة 7** · 26-09-2011, 09:16 PM

تفضلي حبيبتي هذا صف أول بس أهو مكتوب عليه للصف الثالث لكن انتي اقرئيه وتابعي الدروس بتلاقية للصف الاول
http://www.saudienglish.net/vb/showthread.php?t=79265

**امل الحياة 7** · 26-09-2011, 09:18 PM

هذا الرابط لكل المراحل
http://www.saudienglish.net/vb/showthread.php?t=83121

**M3ali** · 26-09-2011, 09:55 PM

يعطيك ألف عافية ماقصرتي حبيبتي ..

تدرين اني ادخل واقرأ الـ grade واشوفه غيرعن الأسم اللي بره واقفله .. خصوصا لأني افتح unit 1 .. وتقريبا unit 1 متشابه في level 1 + level 2 وحتى level 3 عن الـ greeating .. عشان كذا تلخبطت ..

مشكوره وموفقه يارب ..