معلم جديد وورطان

[the-majesty]

السلام عليكم ورحمة الله

كيفكم يا اساتذه ان شاء الله تمااام

يا اساتذتي الكرام

انا تعينت جديد الحين مدرس انقلش وحطوني بالثانوية كامل وماعندي مشكلة بالمنهج

ولكن للاسف المدرسة نائية وطلابها وبخصوص ثالث ثانوي ما يعرفون ولا كلمة بالانقلش

لدرجة الحروف يخربطون ببعضها واسالهم ليش ؟؟ يقولون جاهم مدرسين انقليزي اللي قبل ومشوهم

لحد وصلو ثالث ثانوي والله يا اخون حتى البيسك مو عندهم وانا في حيره من امري

هل اشرح لهم الانقلش من الزيرو أو اركز على الدروس. واشرح لهم شرحت لهم اول درس
يطالعون فيني جاني احساس كاني اكذب على نفسي لانهم مهم فاهمين لا كلمات ولا قواعد
ولا حروف حتى الارقام مهم فاهمينها يقولون عارفين بس ميلك حليب وكمل يعني جمل

وانا والله ضمري يانبني ما اقدر انجح وضميري كمان يانبني ما اقدر ارسب وش ذنبهم
كلمت مدير المدرسة يقول رسب ولا عليك فيهم لاني سويت اختبار كوز تحديد مستوى للاساسيات
اشطر واحد فيهم جاب خمسه من عشره

ساعدوني وش الحل بارك الله فيكم

[Little Tommy]

اهلين مدرس جديد
في مثل هالحالات امسك العصا من النص لا تتكلم كل شي بالانجلش يعني اتكلم وترجم اللي تقوله
بسط الجمل ولا تنسى تشير لكل شي قريب من موضوع النقاش يعني اذا جيت تشرح زمن بين الجمله في الانجلش تتكون من ايش؟ وهكذا
ترجم كل شي بيتفاعلون معك وعاملهم مثل عيالك واصبر وسهل الامور يسهل ربك عليك ومع الممارسة بيعرفون الحروف والازمان يعني كانك تدرس من الكل للجزء
وترا هالشي نعاني منه مع طلابنا حتى بالمدن
وبالتوفيق

[~ أنفاس ~]

و عليكم السلام و رحمة الله و بركاته
هالشي ابدا مو جديد ياخوي ولا غريب 3 ارباع الطلاب كذا لان فعلا مافي تأسيس صح
و في يمشونهم بس عشان ينجونهم وهم مو فاهمين و هالشي بذمتهم و بينسألون عنه
يوم القيامة
حتى الطالبات كذا مش بس الطلاب
اللي عليك انك تعطي درسك وقبلها استرجاع بسيط للاساسيات عشان بس يفهمون انت اش
قاعد تقول
ومعليه لو كررتها فكل مرة خاصة فحصص القواعد
الضمائر و verb to be ع الاقل عشان يعرفون يكونون جمل لو بسيطة
و طول بالك الله يرضى عليك قد ماتقدر لاتعصب عليهم لان مالهم ذنب باللي هم فيه صح ان
فيهم اهمال لكن كله بسبب المدرسين اللي اسسوهم ولااهتموا فيهم
ولا انت مسؤول بشكل كلي عن هالشي , حاول جهدك و طاقتك و احتسب الاجر و بإذن الله
بيفلحون معك , خاصة اذا لنت معهم وحاولت تحببهم فالمادة ..
موفق .

[sad memory]

انا زمان درست طالبات في قرية كانوا لما جيتهم مايعرفوا شيء بس ما شالله بسرعة تعلموا تدري ليش لان طلاب اهل القرى يتميزوا بالذكاء الحاد وسرعة البديهة والفطنة وحبهم للعلم٠ تذكر كلماتي هذه دائما وفقك الله واعانك٠

[خـــالد]

السلام عليكم
ولو أن ردي متأخر ولكن لفت نظري موضوعك
وان كان لديك الاراده فسوف تحدث تغيير وتخلق من اولئلك الطلاب
( او من بعظهم ) على الأقل طلبه أخرين بفكر ومستوى أفضل ,,,,

أنصحك بألأتي
1- أعطهم أوراق فيها حوالي ثلاثين فعل أســـــــــــــاسي go visit travel كل حرف أعطهم عليه حوالي خمس افعال هامه الخ = معظم افعال المتوسطه واحرص ان تأخذ وقت في حفظ معانيها وكتابتها وقراءتها > هذا يعود لتصميمك واستخدامك للفلاش كـــــاردز بفعاليه

2- الاسئله مثل what Where Why How long الخ مع فهم معانيها وكيفية الاجابه فمنها ما يكون عن الوقت ومنها عن الزمن ومنها عن السبب ومنها عن المكــان ----

3- is was \ are were \ can could\ will would\ may might \ should must \ يجب ان يفهموا معاني هذه الكلمات ويستخدموها في جمل ويستخدمونها في وضع اسئله
طبعا بمساعدتك \ وتدربهم على استخدامها في Yes No Q

لو لاحظت معي ستجد ان ما وضعته أعلاه يغطي حيز كبير وكبير جداا من مادة اللغه الانجليزيه في أي مرحله من الاول ثانوي وحتى الثالث ثانوي بل ويفوقه ___
ولكنه يحتاج الى وقت >> لا تجعل همك اكمال المنهج لان هذا خطأأ كبير يقع فيه كثير من المعلمين
بل خذ وقتك في توضيح ومناقشة تلك الامور ثم ثالث اسبوع اعمل لهم امتحان عباره عن سؤال وجواب وترجمه


أن بذلت جهد وصبرت واخلصت النيه صدقني ستدهشك النتائج
بعدها تستطيع العوده للمنهج ولا يشترط ان تنهي كامل المنهج
ممكن تتوقف عند الوحده الرابعه ان لم يسعفك الوقت أو الثالثه حتى
لا مشكله فما أضعت فيه ثلاث اسابيع يغنيهم عن عشرات الدروس في المنهج .



أمور جربتها وكان لها اثار رائعه ولكن يشترط الجديه والعزم

تحيااااتي

[بيلسآآن]

الله يعينك أستااذ ... بس مثل ما قالت الاخت قبل ,, عيال القرى يتميزون بالذكاء ... انت طول بالك وخذهم شوي شوي .. والله يساعدك ياارب ... عطهم الدرس وبنفس الوقت عطهم معلومات عامه تفيدهم ... يعني من الاشياء اللي المفروض يكونون يعرفونها من قبل ... وهم اذا شافو الاستاذ متحمس اكيد بيتحمسون معه ... ويشدون حيلهم .. الله يوفقك ياارب ويسهل عليك ..

[Don’t Be Sad]

ما شاء الله


مبروك الوظيفه..

بصرااحه ما عندي فكره عن الموضوع..

بالتوفيق...

[Mo.. Ca]

لا تعتقد مجرد الاعتقاد انهم برفكت اخوي ترى حتى اللي في المدن بعضهم اسوأ منهم

بل على العكس اللي في القرايا على الأقل مؤدبين سلوكياً لأنهم تربية رجال وانا معايش هالوضع من اربع سنوات

اللي في المدن لا علم ولا أدب وراح تنصدم بكذا وخلك واقعي جداً في هذه الأمور

كل موضوع في المنهج اعتبر نفسك تشرح معادلة رياضيات او فيزياء خطوات الدرس بالتفصيل ترجمها لهم واستخدم لغة الاشارة في شرح المعاني غير المفهومة وهم يستنتجوها استخدم الفلاش كاردز مفعولها سحري في توضيح اغلب الشرح وتشد ذهن الطالب بشكل رهيب وتضفي جو من المنافسة بينهم واذا انتهت كل الطرق الشكوى لله ترجم مباشرة واكتب لهم حتى طريقة النطق بالعربي واصبر عليهم وهم راح يحسون فيك ويستحون على انفسهم

لاتخش في الغويط على طول ترى بتتوهق وتصاب بإحباط

وادارة المدرسة عندهم علم بكذا والمدير بيسوي قدامك انه نموذجي ونظامي ومدري ايش وشوف آخر السنة اذا ماجاك يبوس رجليك تكفى نجحهم بأي طريقة هذولا ثالث ثانوي فضيحة اذا سقطوا ونكبة عند الاشراف ... ومن هالكلام

والمشرف شغلته الرئيسية القرقرة مايقدر يسوي شيء اكثر من كذا وينبسط ويستانس ويحس انه مسوي انجاز اذا قلت له سم ابشر على امرك من خبرتك استفيد ومن هالحكي

انا كنت مثلك ولكن استطعت التغلب على هذا الشيء بكثرة شكاوي حتى معلمين اللغة العربية فما بالك بهذا المادة المركزة التي تحتاج لتأسيس عميق وفي هذه المرحلة التي مايمدي احد يفكر يسوي فيها شيء .

وترى الثانوي فلة وراحة اذا تعودت عليهم وافضل عندي من المتوسط سواء منهج او طلاب او تعامل ادارة .


اتمنى لك التوفيق واي خدمات او اسشارات لا يردك الا الكيبورد .