تعميم بخصوص الملازم والملخصات "المفكره

[زعفران]

السلام عليكم

وقعنا بالمدرسه علي تعميم يمنع المدرسه من وضع ملزمه او مفكره او اوراق عمل في مكتبه وعدم. تكليف الطالبه. بذلك. والاكتفاء بالكتاب النشاط والتمارين وان الكتابين وضعوا من خبراء ومتخصصين في هذا المجال وعدم وضع ملخصات او مفكرات بالمكتبات كما هو دارج عند اغلب المعلمين والمعلمات


فهل جاكم هذا التعميم بالمدرسه ؟؟؟؟؟؟؟؟

[ترف الوله]

نعم جا هالتعميم بس في المدن ماعندهم هالشي ماشيين بملازم ونسوا وش الدفاتر

الله المستعان يالله الفرج

[al shatha]

و الدفتر يستحيل المشرفة تتنازل عنه :(


الله يعين

[The tolerant]

انا اشوف انها تكلفة على الطالبات خلاص المخلص السبوري يكفي وتمارين الكتاب واذا فيه شي اضافي اصوره للبنات واعطيهم لان ما نعرف ظروف الناس بعض البنات ياقلبي تجي مامعاها مصروف والله عالم بالحال

[شهلاء]

انا عندي ان الكتاب والنشاط مايكفي طيب الطالبة تحتاج ورقة كتابية قدامها تعرف فيها نمط الاسئلة وتقرا وتكتب اما الدفتر فهي ماراح تلحق تكتب الي ع السبورة كل الانشطة وغير كذا تنقل الكلمات خطأ وانا كمعلمة مو فاضية امسك دفتر كل طالبة واتاكد انها نقلت كل المكتوب ع السبورة بدقة وصحة
وغير كذا انا كمعلمة مو مجبورة اصور اوراق العمل للطالبات الي اعدادهم تفوق 200
يعني وش فيها لو الطالبة اشترت الملزمة الي بتكون اكثر شي 10 ريال هذا هم يصرفون فلوس في كل شي
والحمد لله مافيه ناس حالهم ضعيف لهالدرجة وان كانت عندي طالبة ماتقدر ماديا انا مستعدة اصوره لها من عندي
بس الملزمة افضل واسهل للطالبة والمعلمة من واقع تجربة
انا الحين نقلت منطقة جديدة ومنعتني الموجهة من استخدام الملزمة وانا اشوف طالباتي ضايعات في اسلوب الاسئلة وماهم مركزين مثل لو كان عندهم ملزمة

[قلب الام]

سلام للجميع ................................ فعلا الملازم مرفوضه عشان كذا قسمت الدفترحسب الوحدات يعني
u1بعدها u2 وهكذا المهم في نهاية كل وحده اصورلهم كويز شامل للوحده فيه كل طرق الاسئله اللي اجيبها
في الامتحان ماعدا القطع.....................وسلامتكم ان شاءالله اني افدتكم