هل من حقهم يجبرووني ..تكفوون يا اهل الخبرره ..المديره تستنى رد

**Helpme** · 16-10-2011, 11:26 PM

السلام عليكم

تكفوون يالربع ..والله اني شايله هم ..فرجوا عني وساعدوني يااهل الخبره

اتخيلوا انا معلمه تعاقد وادرس ف قريه بالجبال وماسكه كل المراحل بالمدرسه من سادس الى اول ثانوي ..لأنه ماعندهم ثاني وثالث..علمآ انه كل مرحله فصل واحد .. ونصاب حصصي 18 حصه ..وغير كذا مسكوني موهوبات..وذحين اتخيلوا كلمتني المديره تقول انه الموجهه قالتلها انه معلمة الانجليزي مكلفه بتدريس الاجتماعيات (تاريخ وجغرافيا) ..وانا يا الله الحق منهجي كيف بالله امسك تخصص مو تخصصي ..والا الحق احضر ..وغير الاختبارات ..ووو...علمآ اني جديده ..درست العام الترم الثاني والسنه ذي..

.ذحين هل انا ملزمه بتدريس الاجتماعيات ؟؟
وهل من حق الموجهه انها تجبرني على كذا؟؟؟
وهل من حقي اني ارفض؟؟

تكفوون الله يفررج عليكم ..مارديت عليهم للآن..والله مالي الا الله ثم انتم
وما بظلم البنات..ادرسهم اي كلام ..ولا قراءه فقط..

ابغى كلام اكيد الله يرضى عليكم ..يعني لو رفضت مثلآ ايش يسوون لي

الله يفررج همكم وييسر امركم..ويرزقكم من الخير حتى ترضون

انتظررركم

**Helpme** · 17-10-2011, 12:15 AM

ردواا علي تكفوون

**شليمار** · 17-10-2011, 12:20 AM

ما اظنه من حقهم يجبرونك
انتي ماسكه 5 مناهج ومو سهل تحضيرها وبرضوا نصابك 18
الانجليزي غالبا يوصلون 16حصه بس
وبعدين بما انه انتي تعاقد يعني مو رسميه فما فيه لك اداء وظيفي ليش خايفه

الله يوفقك يارب

**bigevil** · 17-10-2011, 12:32 AM

قولى لى لهم هاتوا تعميم رسمي يقول انى اخذ الاجتماعيات فوق 18 حصه انجليزي وانا اخذها بس بدون تعميم رسمي موقع ومختوم لا احد يكلمنى .. قوليها وانت مبتسمه

**Helpme** · 17-10-2011, 01:05 AM

المشاركة الأصلية كتبت بواسطة شليمار

ما اظنه من حقهم يجبرونك
انتي ماسكه 5 مناهج ومو سهل تحضيرها وبرضوا نصابك 18
الانجليزي غالبا يوصلون 16حصه بس
وبعدين بما انه انتي تعاقد يعني مو رسميه فما فيه لك اداء وظيفي ليش خايفه

الله يوفقك يارب

يا الله .. وانا المسكينه مدري عن شي
تصدقيين انه المعلمات يسألوني كم نصابك اقولهم 18 ..يبتسمون ويقولون حلوو مرره ..حااسديني ع ايه يختي..
حسسووني اني مرره حصصي قليله

تسلميين والله انك خففتي عني ربي يفرج همك ويسعدك وييسر امورك

**Helpme** · 17-10-2011, 01:11 AM

المشاركة الأصلية كتبت بواسطة bigevil

قولى لى لهم هاتوا تعميم رسمي يقول انى اخذ الاجتماعيات فوق 18 حصه انجليزي وانا اخذها بس بدون تعميم رسمي موقع ومختوم لا احد يكلمنى .. قوليها وانت مبتسمه

اهم شي مبتسمه ..

الله,,الحمدلله يعني اكييد مالهم حق يجبرووني..

bigevil صاحب الفزعات,, والله انك فرجت همي

ربي يسعدك و يفرج همك وييسر امرك ويكفيك ما اهمك

ماتقصر الله يعطيك العافيه

**falcon222** · 17-10-2011, 01:28 AM

من حقك الرفض وبقوه لان العجز في تخصص مثل الاجتماعيات يوزع على التخصصات الاخر مثل العربي والدين والفنية واذا ماتدرين فاذا وجد عجز فان الوكيلة او المديرة هم من يقومو بتدريسه او طلب مكملة من اقرب مدرسة
وبالتوفيق

**sweet peach** · 17-10-2011, 01:55 AM

وعليكم السلام ورحمة الله وبركاته

حياك الله أختي الكريمة
أولا .. ربي يكون في عونك 5 مناهج في 3 مراحل مختلفة شي مو بسيط بغض النظر عن النصاب
المسألة كلها في التحضير
ربي يكتب أجرك .. ويفرجها عليك قريب
أما بالنسبة لتكليف معلمة اللغة الإنجليزية بمناهج الاجتماعيات , ففعلا نزل فيه تعميم رسمي قبل سنتين تقريبا .. لسد العجز إذا وجد
لكن إنت ممكن تعتذري بأسلوب لبق بحجة تعدد المناهج اللي معاك
وإن شاء الله يتفهموا وضعك

طمنينا عليك

( يُنقل للقسم المناسب )

**زياد الرويلي** · 19-10-2011, 12:12 AM

انا اقول تحملي وانشاء الله يثبتونك اكيد هم بيختبرون صبرك

لاتنصدمون انا نصابي24 في مدرسة اهلية

**fauziah** · 26-10-2011, 01:51 PM

اهلا اختي
نعم في القرى والمراكز هذا الشئ يتكرر حصوله بس في المدن نادر
انا مسكت تاريخ سادس وحضرت لي موجهة ومعاه انجليزي متوسط وسادس
وكمان في سنه من السنين اخذت سلوك لسنه اولي ابتدائي
ترا المدرسه كانت مجمع ابتدائي ومتوسط وثانوي
بس حسب المديره بعضهم بس تبغى تمشي كلامها علي معلمه الانجليزي ماني عارفه ليش يكرهونا ويغاروا منا وبعضهم تمسك المعلمه الاقرب في التخصص وانتهت المشكله خصوصا اذا نصابها يسمح ليش تنط للانجليزي

**زغاليلو** · 27-10-2011, 12:32 PM

الله يكون بعونك

**سيف طيبة** · 28-10-2011, 11:22 AM

خذي العلم الاكيد

اذا شافو انك ضعيفة شخصية وكل شي تقولي ايه بيسطروا عليك لكن مامن حقهم يجبرونك

**وصآيف** · 28-10-2011, 04:34 PM

من حقك انك ترفضين
نصاب المعلمه في الانقليزي لا يتعدى 18

وش السخآفه هاذي وين عايشين

**سوبر انقلش** · 04-11-2011, 02:36 AM

ارفضي وبقوه مو من حقهم يجبرونك

**&ROZE&** · 12-11-2011, 01:47 AM

المشاركة الأصلية كتبت بواسطة وصآيف

من حقك انك ترفضين
نصاب المعلمه في الانقليزي لا يتعدى 18

وش السخآفه هاذي وين عايشين

,اجل لو تدرون عنا اذا مسكنا 20 حصة نقول الحمد لله لان غالبا 24
وهذا في وسط مدينه الدمام مو في هجرة عشان نقول عجز
وفوق كذا حصص احتياط وريادة ونشاط ويا قلب لاتحزن

**اشواق القحطاني** · 12-11-2011, 04:36 AM

الله يكووووووووون بعونك

**أحترم رأيك** · 14-11-2011, 10:48 PM

بما انك تدرسين ثانوي ومتوسط مو من حقهم انهم يمسكونك تخصص ثاني

اما لو كنتي تدرسين انجليزي ابتدائي فقط ممكن يكملون نصابك بتخصص ثاني

وثانياً مناهجك كثيره ونصابك كبير

وفيه تعميم خاص لأي منسق موهوبين انه يكون نصابه 12 حصه حسب الامكانيه وبشرط يكون مكمل نصابه في المدرسة كامل

يعني انتي لانك تخصص انجليزي لازم تكملين كامل نصابك بالمدرسه وهو 18 حصه لان مافيه احد يغطي تخصصك

وتكتفين بهالنصاب لانك منسقة موهوبين

اما اذا انتي متعاقده وتحبين يكون الموضوع ودي بينك وبينهم الى الترسيم هذا شي ثاني

واتمنى لك التوفيق

**shy-rose** · 15-11-2011, 01:18 AM

لانك متعاقدة جعلوكي شماعة لتعليق كل ما ترفضه الرسميات

عزيزتي انامثلك نصابي 18 حصة ادرس ابتدائي ومتوسط 5 مناهج وفي قرية 200 كيلوعن مقر سكني

و الله ارجع للبيت وحيلي مهدوووووووود .......

لكن قسما ماتقولي المديرة ثلث الثلاثة كم !!! لانها لو تحلم ما مسكت غير تخصصي ..... لاني و بكل بساطة ماسكة متوسط .... و تعدد المناهج مشكلة بحد ذاتها

يعني امسك 22 حصة بمنهجين ولا امسك 18 حصة ب 5 مناهج

لان معلمات الابتدائي تمسك كل شي لكن المتوسط و الثانوي لازم معلمة تخصص ....

و المعلمات شكثرهم ينتدبوا الله لا يهينهم ....

و غير كذا انتي ماسكة موهوبات وهذا كفااااااية ...... و اطلعي على التعميم الذي يحدد نصاب معلمة الموهوبات لتكون حجتك قوية

عزيزتي .... نصيحتي لك ......... ارفضي و ارفضي و ارفضي ...... لان هذا شي فوق طاقتك .... ارفضي و لكن بطريقة لبقة و محترمة وبنفس الوقت كوني واثقة .... لانه ليس بيد المديرة و لا الموجهه الغاء عقدك .... هذا بيد ادارة التعليم ....

**Tory** · 18-11-2011, 04:51 PM

الله يسهل عليك ...

**Amanda** · 18-11-2011, 05:31 PM

Omg!

قبل ترفضين تاكدي ان لك حق ترفضين

الله يسهل عليك

**روعتي بكلمتي** · 18-11-2011, 07:01 PM

الله يكون بعونك

**okarina** · 20-11-2011, 12:05 AM

طبعا مالهم حق واللي يقول لك اصبري عشان يعينونك تراه كلام فاضي لان التعيين من الوزاره والوزاره ماعندهم شي اسمه مسكتي حصص او مواد اضافيه او لاء

خليك قويه ترى احنا مو لعبه ولو عرفت الوزاره بهذا الشيء رح يتعاقبون لان مالهم صلاحيه

قولي لهم رح ارسل برقيه للوزاره يفيدوني اذا هذا الشي لازم اسويه او لاء

طبعا اكيد لاء

ولاتخافي لانك متعاقده ولايهمك احد خليكي قويه ترى الوزاره ماتظلم احد بلعكس
وفهميهم انك فاهمه كل القوانين والانظمه اذا يبغو يمشو بالقوانين صح

عاد هذا الناقص معلمات الانجليزي صارو لعبه

**عبدالله قرافي** · 20-11-2011, 12:26 AM

حسبي الله ونعم الوكيل فيهم كرهونا في الانجليزي ماخليت ولا تخصص مادرسته تخيلوا السنه هذي ادرس دين اكثر من معلمات التخصص للدين واكثر ورفضت المديرة تنزلهم عني وتعطيهم لمعلمات تخصصهم دين اللي ريحتهم وخلت قلبي مليان قهر بالاضافة للريادة والنشاط والاذاعة عني اقولك لاتقبلي كفاية المناهج اللي معاك واذكر لك قصة صارت لوحدة من المعلمات تعاقد وكان فيه احتياج لتخصصها الاجتماعيات وكانت المدرسة مجمع لكنها ماشاء الله قوية رفضت حتى الموجهة جات بنفسها تقنعها لكنها رفضت وبالاخير نزلت المديرة ودرست المناهج فيه ناس تمشي بالقوة وهم ماينفع معاهم غير هذا الاسلوب

**Helpme** · 17-12-2011, 10:46 PM

الله يجزاكم خير ..كل ابووكم
والله ماقصرتوا الله يعطيكم العافيه ..كفيتوا ووفيتوا

لكن الحمد لله ابشرركم ,, درست حصه وحده بس عند 3م
والاسبوع اللي بعده جونا معلمات جدد

يا الله لك الحمد

الله ييسر لكم اموركم كلكم ويكفيكم ما اهمكم من امر الدنيا والآخره

**breezemsa** · 17-12-2011, 11:35 PM

المشاركة الأصلية كتبت بواسطة bigevil

قولى لى لهم هاتوا تعميم رسمي يقول انى اخذ الاجتماعيات فوق 18 حصه انجليزي وانا اخذها بس بدون تعميم رسمي موقع ومختوم لا احد يكلمنى .. قوليها وانت مبتسمه

صحيح

*****