ومعقوله تجي منك وترميني لأي انسان..........................

**Mr.Salem** · 23-10-2011, 11:34 AM

ومعقوله تجي منك وترميني لاي انسان

يلملمني ولا يلقى في عيوني غير دمعاتي

انا ما اصدق انه انت تنهيني من الوجدان

وترميني وانا اشوف القبر نادى مسافاتي

وكسرني الشتا يا وليد وانت بداخلي دفيان

تحملت الاسى والضيم علشانك يا بعد ذاتي

وصحا بي البرد ولا هو وانت بداخلي غفيان

تحلمت السنين وقلت على الله تلملم اشتاتي

انا امك انا امك

يا هيييييييييييييييييييييييي يه امك

حملتك والعذاب الوان

ولدتك والالم سكين يركز داخل لهاتي

وانا اثناء الولاده من بكى صوتك طعنت احزان

لاني شفتك بصوتك تنادي كل طموحاتي

ومهدتك في عين وعين يشرب بحزنها القرآن

وهزيتك وكان النور يتهزهز من دعاتي

اضمك في اديني لا تجي وتقول انا بردان

تركت البرد لضلوعي روح انشد رعشت شفاتي

اضمك اضمك في اديني لا تجي وتقول انا بردان

تركت البرد لضلوعي روح انشد رعشت شفاتي

وزولك من ركض فيني لمست بداخلي اوطان

وتركتك تبني بمجدك على كتف انكساراتي

وتذكر يوم مدرستك صدي وكفوف انا الحرمان

وكانت رنته من فلس خنقته لك بشيلاتي

كبرت وصرت بعيوني شجاع واشهم الفرسان

وحلفت اني على عرسك لاارقص كل شيباتي

اسولف اسولف للبشر عنك اقول ولا به نقصان

رفع عز الشهامه شب طموحه في معاناتي

وله شان الصقر لا لا اخذ منها الصقر له شان

يجي من الوضوء لا طب حنينه فوق راحاتي

يقولون الولد هو خان اقول وليدي لا ما خان

وهم يدرون ما غطى منامي غير وناتي

أفااااااااااااااااا

وشلون تتركني يكحلني عمى النسيان

وانت ادرى في يوم الحشر جنه تحت خطواتي

لك الله لك الله ما نطق صوتي لك

إلا بدعــوة الغفران ..!

**sabbbbbah** · 23-10-2011, 12:44 PM

رووووووووعة 0000000000000000000000000000بس تحزن

**بيلسآآن** · 23-10-2011, 01:12 PM

تسلم اخوي روووعه .... بس مررررره حزينه .... كفايتنا حزن !!

**● Ṡeяεиiτч . . ☆** · 23-10-2011, 04:30 PM

Mr.Salem
إنتقاااء رائع
ماأغلى الام وماأغلى تواجدها
محزنه الكلمااات ولكنها للاسف تحصل
لااعلم هل اصبح البشر يتنقلون بدون قلوب
الله يحفظلك الوالده ويجعلك ممن يبرون بها