افكاركم لتزين الفصل

**هانزادا** · 25-10-2011, 12:10 AM

السلام عليكم..كيفكم حبايبي الله يتم عليكم الصحة والعافية

ابغى افكار حلوة لتزين الفصل لأن أنا إلى الحين ماعملت شيئ اباً وطالباتي متحمسات ويبون يبدوؤن بالتزين وسالتهم عن افكارهم اللي تقول نبيه صيني والثانية نبية وردي وسماوي ....بس انا مااعجبني افكارهم وكلها افكار قديمة وانا ابغى شيئ خيال لأن اول مرة يكون لي فصل وانا رائدتة ..علماً اني مضغوطة بالمناهج وعندي ندب للإبتدائي ومناوبة ونشاط...وهم اول متوسط..اللي عندها افكار لاتحرمنا من افكارها ....الله يجزاكم خير

**PeArLs** · 25-10-2011, 02:36 AM

هذي فكرة لفصلي

زينته العام .. والكل أعجبه ومدحه

الطاولات تجليده شمواه وردي فاتح ووردي غامق

قصيتها على قد الطاولات

ثم خذتها لعند الخطاط وكتب لي أسماء البنات عليهم

طبعا الطاولات الخضر شوي حجمها كبير .. فغطينا

النقص أول بشريط ملون موجود بالمكتبات

ثم التجليده .. ولحمياتها من الماء ..

شريت تجليد شفاف .. ولصقناه فوق الشمواه

وملصقات الورود اللي بالجدار من مكتبة العبيكان

والملصقات اللي على الطاولات حقت اللاب توب

كل بنت جابت على ذوقها ولصقتها لهم على زوايا

الطاولات ...

والباقي واضح بالفيديو

**أم فدوى** · 25-10-2011, 07:53 PM

**PeArLs** · 26-10-2011, 09:13 PM

الله يسلمك

**The tolerant** · 26-10-2011, 11:02 PM

**هانزادا** · 28-10-2011, 03:00 AM

أسفة تأخرت عليك بالرد.الله يوفقك ويسعدك مرة حلوة تزين فصلك مشكورة سوف أبدا باتنفيذ.. بس حابة اسأل صحيح ان اللي منتدبة مالها مناوبة او رائدة فصل.. وتكاليف تزين الفصل تتكفل الادارة بدفعها من ميزانية المدرسة...صحيح هذا الكلام ولا لا إشاعة......لا بعد تخيلوا مطالبين إحنا نجيب معنااوراق تصوير. للتصوير اوراق للطالبات+

**PeArLs** · 28-10-2011, 10:04 AM

العفو حبيبتي

والمناوبة والريادة عند مدرستك الأساس ولا المنتدبه لها

إذا المنتدبه لها لا ما تأخذين شيء لأنك بتسدين عجز عندهم

إذا الأساس .. أعتقد تأخذين

أنا إذا كنت أنتدب كانت المديرة تخليني أختار أي يوم الإ يوم النشاط

ما أطلع فيه ندب .. لأنه يا بيكون رياده أو جماعه

وهو في الأخير على حسب تعامل الإدارة يا يراعونك أو لا

بس كتعميم والله مو متأكده

**هانزادا** · 29-10-2011, 08:49 PM

اهلين...اخواني انا مكلفة بالمدرسة الأساسيةبالريادةومناوبة والمديرة رافضة تشيلها عني ...ولا بعد مطالبين ان نجيب اوراق تصوير للبنات وتقول انه مافي ميزانية فلازم المعلمة تشتري اغراض الفصل من تجليد واشياء أخرى وانا قلت عادي بس انا بعد عندي مسوؤليات ولا ودي اخلي فصلي (خرابيط)فأقترحوا البنات انهم يدفعون معي وش رايكم..وانا محتارة اخاف بعدين أولياء الأمور يسون سالفة..وانا واله راسي انبط من التقويم والأختبارات ارجع البيت وانا احياناً اكون ماكملت الدرس او التقويم من كثر حصصي وكلهم وراء بعض نادراً القى حصة فاضية أصحح فيها..المعلمات صاروا قليل يشوفوني..انا اسوي اذاعة ونشاط وافرح فيها بالعكس اسوي نشرات باللغة انجليزيةووزعها واحب اسوي شيء وانا مرتاحة مب مغصوبة..مأدري وش اسوي مع المديرة مع انه فيه معلمات ماأمسكوا شيء فاضين.

**جنون آشتيآقي** · 30-10-2011, 02:59 PM

الصراحهه روووععهه

اعجبني فصلكم ..

ربي يعطيك العافيه

**loooooly** · 05-11-2011, 05:32 AM

المشاركة الأصلية كتبت بواسطة pearls

هذي فكرة لفصلي

زينته العام .. والكل أعجبه ومدحه

الطاولات تجليده شمواه وردي فاتح ووردي غامق

قصيتها على قد الطاولات

ثم خذتها لعند الخطاط وكتب لي أسماء البنات عليهم

طبعا الطاولات الخضر شوي حجمها كبير .. فغطينا

النقص أول بشريط ملون موجود بالمكتبات

ثم التجليده .. ولحمياتها من الماء ..

شريت تجليد شفاف .. ولصقناه فوق الشمواه

وملصقات الورود اللي بالجدار من مكتبة العبيكان

والملصقات اللي على الطاولات حقت اللاب توب

كل بنت جابت على ذوقها ولصقتها لهم على زوايا

الطاولات ...

والباقي واضح بالفيديو

ماشاء الله فصلك روعه وذووق بس حبيت اسال عن الشريط الملون اللي استخدمتيه ع الطاولات هو نفسه اللي استخدمتيه ع الجدار ..؟ اذا ايه كيف يلزق ومايخرب علينا في نص الترم ..؟ لاني افكر اخطط فصلي بهالطريقه بس مااعرف اذا الشريط الملون (الشطرطون) ما يخرب علي !!

**PeArLs** · 08-11-2011, 01:06 PM

آآآآآآآسفه على التأخير

الشريط اللي على الجدار هو نفسه اللي ع الطاولات

وما فهمت قصدك بكيف يخرب ؟؟

بس قبل تلصيق الشريط بالجدار مسحت المنطقه اللي بلصقها بمنشفه مبلوله شوي

ثم جففناها بمنديل .. عشان لو فيه غبار .. ماراح يلصق عدل