تجربتي في تدريس رياض الأطفال .. + نموذج تحضير بإستخدام الخريطه الذهنيه ^^

**SUJOOD** · 28-09-2012, 06:30 PM

السلام عليكم ورحمة الله

يسعد مساكم ..
رأيت تساؤلات للأخوات هنا عن كيفية تدريس رياض الأطفال فحبيت اكتب لكم عن

تجربتي مع رياض الأطفال وكانت سنه وحده اول ماتخرجت درستهم .. كانت مميزه ولاتنسى ابدا ..
ابتسامة الاطفال الصباح لوحدها كافيه ^^
من اهم الامور اللي تعلمتها بعد هذي التجربه ..
الصبر .. وفرحة الانجاز لماتلاقينهم بنهاية الترم ينشدون معك ويكتبون ...
اولا
وقبل التحضير واوراق العمل و وو و
اهمممم نقطه

عامليهم بحب ^^

بخصوص التحضير .. ادرجت لكم تحضيري .. كان بطريقة الخريطه الذهنيه واطلعت عليه موجهتي ..
وبس انتي تغيرين الحرف كل اسبوع ..
بخصوص الحصص

اولاً . إبدأي معاهم بأنشودة الأحرف والاعداد 1-10 و good morning

هالخطوات خليها كل يوم ع السريع عشان يحفظونها معاك ..

لما تقدمين الحرف . . أول شي ارفعي الحرف اللي بالفلين قدامهم وخليهم يحاولون يوصفون شكله ... اذا مافهموا قربي لهم مثلا حرف A ... يشبه الجبل لكن فيه خط وارسمي لهم على الهوا شكل الحرف وخليهم يسووا معك ... و مثلا حرف B له بطنين .. وقبل ماتوصفين اسمعي اجاباتهم وراح تتفاجئين بروعه وصفهم وساعات تسمعي اجابات مضحكه وغير متوقعه .. اذكر مره سألتهم عن Z وواحد من الاطفال قال يشبه حرف N لكن منسدح ^^ ..

بعد الوصف قولي لهم ان هذا الحرف اسمه A وخليهم يرددون معاك بشكل جماعي وبعدها بشكل فردي .. بعد كذا خليهم يرسمون الحرف في الهواء .. ويرسمونه ع الرمل وبعدين اكتبيه على السبوره بشكل كبييير واطلبي منهم يكتبونه كمان ع السبوره .. بعدها وزعي اوراق العمل تبع نفس الحرف ... الحصه اللي بعدها راجعي لهم الحرف واعطيهم كلمه تبدأ بنفس الحرف .. وبهالحصه يفتحون الكتب ويكتبون الحرف معاك ..

طبعا وهم يكتبون انتي خليك معاهم وصححي لهم .. خاصة بالبدايه لأنهم مايعرفون يمسكون القلم ... ,

وطبعا الرقم نفس الفكره ...

ونوعي لهم .. مره شغلي لهم انشوده ومره خليهم هو يكونون الحرف بأجسامهم ع الارض ... أهم شي كل ماشفتيهم تكلمي معاهم .. مثلا الصباح اذا قابلتيهم قولي لهم قود مورننق .... اذا اخذتيهم قطار وانتي تمشين فيهم رددوا الاتشوده تبع الحروف .... ووقت الملعب اذا كنتي فاضيه وهو ينطون عدي لهم 1 2 3 4 .....
او جيبي ورق الاي فور الملون ووزعيه على الارض ... قبلها علميهم الالوان .. وامسكي كل طفل وخليه يمشي على نفس الورقه ويقولك ايش اللون واسأليهم صح او لا ... طبعا التعزيز بكل خطوه مهممم .. ممكن بعدها تقسمينهم فريقين ومن كل فريق واحد .. انتي تقولين اللون مثلا BLUE المطلوب منه يجري ويوقف على الورقه اللي لونها ازرق ..
كمان اطلبي من كل طالب إذا شاف أي كلمه بالانجليزي في البيت على علبة عصير او لعبه .. يخلي ماما تكتبها له ويجيبها لك وتترجمونها ..

· همسه في إذن معلمة رياض الاطفال

ابتعدي عن تشغيل الاناشيد اللي تحوي موسيقى لأطفالك .. واصدقي الله يصدقك .. لاتقولين ما اقدر .. انا عن تجربه كنت احفظها وانشدها معاهم وتلاقين مقاطع بدون موسيقى حتى انشودة الحروف ..
واحتسبي بذلك رضا الله تعالى عنك وحتى يكتب لك التوفيق والقبول لعملك ..

أي سؤال او شي اقدر افيدكم فيه انا بالخدمه .. ^^

**مسلمة شامخة** · 30-09-2012, 01:05 PM

جزاك الله خيرا

**mewahid** · 30-10-2012, 10:54 PM

السلام عليكم ورحمة الله وبركاته

أفضل ما فيها
· همسه في إذن معلمة رياض الاطفال

**حاملة القرآن** · 30-10-2012, 11:10 PM

يعطيك العافية

ويكتب أجرك

**SUJOOD** · 03-11-2012, 12:43 AM

welcome ....

**ليونه المزيونه** · 03-11-2012, 05:44 PM

ماشاء الله عليك
من كلامك حسيت انك معلمة كفء و واعية و مهتمة
الله لا يحرمك الاجر يا عمري
و شكرا على ذكر تجربتك

**هرج معسول** · 07-11-2012, 12:33 AM

جززززاك الله خير ياعسل

**مس رووز** · 12-05-2013, 11:29 PM

جزاك الله كل خير وبارك الله فيك

**كرون77** · 04-07-2013, 12:20 AM

جزاك الله خير

**cd1** · 29-07-2013, 02:04 AM

السلام عليكم ورحمة الله وبركاته

أختي الفاضلة حاب تساعديني في طريقة التحضير أي دفتر التحضير
أبي كل حرف بداية قصة للطفل بعدين أكشف الحرف و اوضحة لأن أول مرة أدرسة في الروضة وحاسة في صعوبة التحضير بس هذه المشكلة
يعطيك العافية

جزاك الله كل خير وبارك الله فيك

**Nano1415** · 20-08-2013, 04:57 PM

جزاك الله كل خير وبارك الله فيك

**pooh pooh** · 24-08-2013, 03:03 AM

شكرا جزيلا

**~hanan~** · 25-08-2013, 06:26 PM

انا العام درست بالروضة اسبوع وتركتهم ....لاني حست من اول يوم م عرفت كيف ابدا خصوصا انهم اطفال مو مثل المتوسط والثانوي ... يبيلهم التعليم باللعب واناشيد تحمسهم فما لقيت شيء يساعدني

وثاني شيء كنت م اعرف اتعامل مع الطفل اللي يبكي بالفصل والعنيد يعني حسست وحسيت اني تورطت وتركتهم

وودي السنة هذي ان شاء الله ارجع ادرس رياض اطفال من جديد لاني احب الاطفال بس الاشياء اللي فوق اعاقتني كثير ..

**EngMon** · 28-08-2013, 09:22 PM

السلام عليكم
شكرا جزيلا عالمعلومات فادتني جدا كمبتدئه لتعليم الروضه
لكن عندي استفسار الاداره طالبين مني ولا كلمه عربي بحكم انها روضه اهليه
لكن السؤال كيف بقدر اتفاهم مع الاطفال خصوصا بالاسابيع الاولى

**raton** · 21-09-2013, 03:21 AM

Thanks
For your ideas

ممكن توضحين ايش الاوراق اللي استخدمها وتكون ملونه...واذا عندك صوره لها بشكون شاكره لك

**أوراد...** · 21-09-2013, 10:16 AM

شكرا جزيلا لك
فين التحضير
وياليت توضحي طريقة التعامل مع الطفل العنيد واللي بيبكي ويتكلم كثير واللي يضربوا بعض في الكلاس اتمنى تجاوبيني بطريقة مفصلة وياليت لو عندك طرق واستراتيجيات تفيديني فيها وشكرا جزيلا