اتمنى تفيدوني .

[~hanan~]

السلام عليكم ورحمة الله ....


ابغى احد يفيدني .. كيف اهيئ للصف الاول الابتدائي الدرس لاول مره يدرسوا انجلش

اكيد راح ابدأ معهم من الحروف وكذا كيف ابدأ اشرحلهم .. انا مشكلتي في المقدمات والتهيئة



ومشكورين مقدما ..

[bigevil]

واااو
اول ابتدائي الله يعينك ... انا اذا دخلت عندهم انتظار ما اقدر اتحمل واطلع واطلع واتركهم .. فما بالك ادرسهم ...

اعتقد اهم نقطة هي اللعبه كل حرف لازم يكون بلعبه وتسلية وصور ..بس التهيئة هي يبغالها جلسه بروقان افكر لك واقولك لان الان مخى ملخبط عندي اختبار مادة قانون بالماجستير وراسي دايخ ..

لي رجعه ان شاء الله ... وان شاء الله ما انسى

[مـلاك]

وعليكم السلام ورحمة الله وبركاته

ياجمالهم : )

بقولك نقاط مو شرط كلها للمقدمه ( لانه الأهم انهم يحفظون الحروف ويفرقون بينها )

اولا وقبل تفكرين تهيئينهم للدروس لابد تضبطينهم وتحطين لك دستور تمشين ويمشون عليه : )

مثلا : انه مااحد يطلع من كرسيه بدون استئذان وانه مايتكلمون بصوت عالي ولاياكلون ويشربون بالفصل

واللي يبغى دورة المياه يستأذن

>>لاتستهنين بالقوانين تراها طريقك للسيطرة على الدروس (يمكن شي الكل عارفه بس كتبته للتذكير لاني شفت معاناة معلمات كثير والسبب انهم من البداية ماحطوا قانون يساعدهم على الشرح بسهوله وبجهد اقل )

نجي لبعض الطرق البسيطة : )
:::::::::::::::::
اي حرف تأخذونه حاولي تجيبين عليه شيء حقيقي مثلا : فاكهه تبدأ بالحرف هذا او مجسم حيوان او اي شيء تقدرين تجيبين عليه حاجة حقيقيه ..واسأليهم عنه " مين يحبه ؟ واين يعيش او اين تزرع اذا فاكهه وبايش نستخدم هذا الشيء ؟ ووين نحصله ؟ وووالخ "
وقولي اليوم بناخذ حرف هالفاكهه او حرف هالحيوان او لو كرسي او اي شيء
::::::::::::::::::
ممكن تعلقين جمييييع الحروف كبتل وسمول على الجدران ...وبعد ماتنتهين من الدرس تقولين من يأشر لي على الحرف وهو كبتل او سمول ؟ طبعا بيتحمسوووووون بشكل ماتتوقعينه وبتروح تركض لين عند الحرف
( مجربتها بلغتي ..وحتى انا تحمست معهم : )
:::::::::::::::::::
اطلبي منهم بروجيكت بعد الدرس للحرف اللي درستوه ( مثلا بالقص واللزق او بالصلصال او باي شيء ان شاء الله لو ترسمها بيدها ) >>يثبت المعلومه عندهم
:::::::::::::::::::::
اذا عددهم كبير ولاتقدرين تطلعينهم على السبورة كل وحده علشان اتقان الحرف ممكن تطبعين اوراق مخططه باربع اسطر (اسطر الحروف الإنجليزيه ) وغلفيها تغليف حراري وبكذا تكون سبورة كيوت : )
ووقت الكتابة كل وحده تطلع هالورقة وتكتب الحرف
(مجربتها برضو بلغتي ) >>حشى ماصرت خريجة انجلش هههههههههههه
:::::::::::::::::::::
هذا مالدي حاليا : )

[دالي986]

الله يعينك