هلب بليز المشرفة عندي يوم الاحد

[بنت الدواسر]

السلام عليكم ورحمة الله
الله يجزاكم الجنة ابغى افكار تخص درس Days of the week المشرفة بتحضر لي اللي عندها مقدمة او هدف وجداني ونشاطات للدرس لاتخبل علي الله يجزاها كل خير تكفوووووووووووووووووووووو ووووووووون ابي حماس هذا اول مرة اطلب منكم شيء يالنشميات تكفوووووووووووووون لاتخيبوني وبدعي لكم في ظهر الغيب وماعندي الا يوم واحد بس يالله الاحد قرب حماااااااااااااااس هههههههههههه كني قلبته عرس

[stylish teacher]

الهدف الوجداني ممكن تبينين لهم اهمية يوم الجمعة عيد للمسلمين

وصيام الاثنين والخميس وانها الايام التي ترفع فيها الاعمال لله ...

[stylish teacher]

بالنسبة للمقدمة اساليهم اليوم يوم ايش وبكرة ... ويذكرون باقي الايام ....

[albars]

السلام عليكم ورحمة الله
الله يجزاكم الجنة ابغى افكار تخص درس Days of the week المشرفة بتحضر لي اللي عندها مقدمة او هدف وجداني ونشاطات للدرس لاتخبل علي الله يجزاها كل خير تكفوووووووووووووووووووووو ووووووووون ابي حماس هذا اول مرة اطلب منكم شيء يالنشميات تكفوووووووووووووون لاتخيبوني وبدعي لكم في ظهر الغيب وماعندي الا يوم واحد بس يالله الاحد قرب حماااااااااااااااس هههههههههههه كني قلبته عرس

Hi sweety
يالبى قلبك يابنت الدواسر. شممتيني ريحة الدواسر. عالعموم انابنت الدواسر بعد. تامرين امر بصراحة ماشاء الله عليك متى بتعطينهم الدرس الاسبوع هذا . انا لسى في درس الصفات. المهم اول شي قسمي وقتك مراجعه-مقدمة-شرح الدرس-تطبيق-هدف وجداني. الهدف الوجداني على كيفك في الاول او في الاخير. المراجعة استخدمي فيها وسائل اللي انت استخدمتيها قبل مع الدارسات. و قولي لهم ذاكروا زين. المقدمة لازم تربطينها بالدروس اللي فاتت. يعني my familyانا كنت مسميتهم الحمد انا افضل اني اقولهم قصة بالصور طبعا عشان يفهمون. اول شي لازم يعرفون كلمه day و الطريقة سهلة اشري على ساعتك و اكتبي على السبورة 24 ساعة 24 hours is aday هذي طريقة بعدين اذكري نشاطات تقوم بها العائلة في ايام الاسبوع بدون ذكر اسماءها. يعني اكتبيها على لوحة عشان الوقت بس. weekقدمي لهم الكلمه هذي بعد ماتذكرين النشاطات عدي الايام و قولي 7 days is one weekو بكذا خلصنا المقدمه اذا شفتيها طويلة اكتبي نشاطات بسيطة. مثلا الاكلات اللي تسويها الام و غيرة . الهدف الوج\داني بفكر فية بعدين اقولك.
see you

[بنت الدواسر]

مشكورة حبيبتي الله ينور قلبك نورتيني

[بنت الدواسر]

يعطيك العافية albarsيالله حيهم الدواسر وافكارك روووووووووووووووووووووعة وفي انتظارك والهدف الواجدني متى المفروض اقولة بعد الدرس

[بنت الدواسر]

اختي stylish teacher بالنسبة للمقدمة المفروض اقولها عربي ولا انجلش وطالبتي الحمدلله مستواهم زين ويستوعبون بس عندي وحدة ضعيفة والباقي تمام

[albars]

يعطيك العافية albarsيالله حيهم الدواسر وافكارك روووووووووووووووووووووعة وفي انتظارك والهدف الواجدني متى المفروض اقولة بعد الدرس

Hi sweety, how are you?
انا بالنسبة لي اقوله في الاخيرز بس حبيت اوضح لك انك تقدرين تقولينه بعد المقدمه او موضوع الدرس. بالنسبه للهدف الوجداني فضلت اني ماخصص يوم من الاسبوع . كل ايام الاسبوع. تكلمي عن يوم المسلم المبارك قال الله تعالى {لاَّ خَيْرَ فِي كَثِيرٍ مِّن نَّجْوَاهُمْ إِلاَّ مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاَحٍ بَيْنَ النَّاسِ} [النساء:114].
يومك المبارك يوم تتصدق بصدقة أو تُدخل السرور على مسلم .وأنت في طريقك إلى اليوم الآخر لا تنس زادك {وَتَزَوَّدُواْ فَإِنَّ خَيْرَ الزَّادِ التَّقْوَى} . المهم الانسان لازم يعمل لدينه و دنياة ز و اذكري العمل و غيرة. انا الصراحة انسجمت في الموضوع انا عطيتك هينت . اتمنى اني افدتك
bay sweety

[stylish teacher]

انا اقول المقدمة عرررررررررررربي وبعدين اشرح بعض الكلمات انجليزي

زي كلمة day لانه مرتبطة بالدرس ....

[بنت الدواسر]

يسلموووووووووووووووو ع المرور يالنشميات بكرة اقول لكم ايش صار معي وان شاءالله مااخبط وربكم يسهلها ودعواتكم

[بنت الدواسر]

محد سألني ايش صار معاك متطمنتؤ علي عموما بقط وجهي وبقولكم ايش سويت اول مابديت راجعتهم في درس adjectivesااسؤال كان على النحو التالي
1- give asuitable adjectives to the fllowing(tea-ice)
2- .(.give me an example to the flowing adjective( tall- big
وبعدها كتبت على السبورة 24 hours .,واشرت على ساعتي وسألتهم what thats meanطبعا جابوadayبعدها طبعا انا حضرت لوحة كتبت فيها some activties from 1 to 7وسألتهم is it possiable that the family make all these activties in one day طبعا قالو noوعديت من 1- 7 وسالت how many days are there طبعا قالو 7 قلت لهم so there are 7 days on the week so our lesson is days of the weekوركزت على كلمة weekبعدها بديت اعرفهم على الايامfrom sat to friوكل مخلصنا يوم لزقت الفلاش حقة على اللوحة القماشية وبعدها قلت لهم we can ask about the day by to waysوقدمت لهم السؤالين بعدها عطيتهم الاختصارت كتبت يوم وتركت يوم وخليتهم اول يكملون الايام الناقصة بعدين عطيتهم الاختصار حق اول يومين فقط وهم كملو البافي بعدها سمعتهم انشودة الايام واثناء الاستماع وقفتها على مقطع معين وسألتهم what is the day you heard وبعدها شغلتها وهكذا وبعدها قروا الدرس وبعدين قلتهم جبت لكم معلومات طريفة عن الايام مثل انه عدد الايام سابقا كان10 عند الفراعنة وانه اول من قسم الايام الي 7 هم البابليون وانه تسميت الايام اخذت من الارقام مثل الاحد 1 الاثنين 2 الخ وجبت لهم اسماء الايام عند الجاهلية قب ان تصبح سبت احد الخ وانه الله سبحانة وتعالى خلق السماء في يوم السبت والجبال الاحد مرررررررررررة انبسطو وبعدها عطيتهم work sheet اللي في المذكرة الموجودة في المنتدى find the wordsيؤ حييييييييييييييل انبسطو عليها
[COLOR="Red"]انطبعات المشرفة
splling mistakeطبعا من الربكة غلطت في wednesday
2-مخليتهم يكررون فردي مع اني سالتهم بطرق اخرى واجابو فردي بس خبركم الفلسفة
3-كتبت طريقة السؤال عن اليوم ومسحتها بسرعة والمفروض اني اخليها
4- عجبها النشاط والتنوع في تقدم الانشطة كثير عجبها طريقة المراجعة ومقدمة الدرس وتفاعل الدارسات واشكرتني على اوارق العمل حيل اعجبوها وشكرا من كل قلبي لبنات المنتدى اللي افدوني فيها وبالنسبة لدفتر التحضير على طول قالت افتحي على درس اليوم ووقعت وسكرته مركزت علية وبس سلامتكم اسفة على الاطالة واتمنى اسمع رايكم في درسي صح نسيت تم توزيع الهدايا والتذكرات

[طرزانه]

بالتوفيـــــــــــــق حبوبه بصراحه اللي سويتيه إبداع يعطيك الف عافيه
انــــــا كمان كان عندي نموذجي فدرس الألوان واعجبتهاا الوسائل اللي استخدمتهاا
بس وحده من المدرسات فنقدهاا
قالت مكررتي الألوان كثير ومركزتي على كل وحده فيهم مراعاة الفروق الفرديه
مع ان تفاعل الدارسات كان اكثر من رآئع بس مادري وش تبغى اكثر من كذا
صدق ناس فاضيه خخخخخ

[طرزانه]

اقول حبوبه انت تتكلمي معاهم كلو انقلش صح
طيب لمن تسأليهم بالأنقلش تترجمي ؟؟<<<<سؤال بايخ صح للفلسفه فقط خخخ

[albars]

هلا يابنت الدواسر وش اخبارك

ماشاء الله تبارك الرحمن. انا الاحظ على المشرفات انهم يحبون الاغراض الكثيرة و الوسائل. عشان كذا انا دايما اكون مجهزة وسائلي في المدرسة للطوارئ . لان عندنا يجون فجاة و اذا شمت خبر اني عارفة انها بتجيني جاتني مرة ثانية . يعني لازم الروعه. شرح الدرس مترابط و متدرج بشكل ممتاز ما اظن ان في افضل من كذا ماشاء الله. عموما الحمدالله انها مانقدتك كثير. بمعنى اصح ما حطمت زي البعض الله يهديهم.
بس ابي منك طلب درس الصفات كيف شرحتيه للطالبات.
Bay sweety

[بنت الدواسر]

تسلمي كلك ذوق طرازانة على قولتك لازام يطلعون عليك شيء تدرين صعبة يخلونها في نفسهم بس اهم شي انتي واثقة من نفسك وانت سويتي اللي قدرتي علية بالنسبة للترجمة لا والله مترجمت شي سيء عدا نشاطات الاسبوع اللي كتبتها عطيتهم فكرة عنها قبل تدخل الموجهة بس والباقي لا بس انا الحمدلله الموجهة قالت لي طالباتك اشطر طالبات مرو علي مينخاف عليهم مشاءالله تبارك الله عيني عليهم باردة بس وانا اتكلم احاول امثل بعيوني ويداني وهكذا عشان يفهمون وسلامتك....

[Don’t Be Sad]

ما شاء الله عليك الله يوفقك ويزيدك من فضله....

[بنت الدواسر]

هلا بنت العم albarsانا تمام والحمدلله وانتي اخبارك وتسلمي على ذوقك الراقي وافكارك اللي مرة استفدت منها كثيررررررررررررررررر شوفي حبيبتي بالنسبة لدرس adjective كتبت على السبورة 2 list

الاولى coffee-tea soup الثانية ice-orange juce -pepsi
وبعدهل مثلت اني حرانة وعرفتهم على كلمة hotومثلت اني بردانة وعرفتهم على كلمة coldوكرروها رجعت للسبورة وأشرت على القائمتين وسألتهم what is deffrent between the 2 listes
طبعا قالو this is cold- this is hot
بالنسبة ل big - small قلت لهم big like school - small like class room
tall - short أشرت على شعر وحدة طويل وحدة قصير وطلعت طالبة وقفتها عند الباب أشرت على الباب وقلت لهم the door is tall وأشرت على الطالبة وقلت لهم Sara is short
good- bad سويت نفسي اكل بيدي اليسار is it polite to eat with our left handطبعا وانا امثل عشان يفهمون وبعدها مثلت اني اكل بيدي اليمين وخلاص افهمو انه هاذي العادة bad والثانية good
وفي نهاية الدرس عطيهم امثلة وقوليgive me suitable adjective
2-عطيهم صفات وقولي لهم give me examples
واتمنى اني افدتك............by darling

[albars]

السلام عليكم حبيبتي كيفك
مشكورة ماقصرتي مو غريبة هذا من شيمك
و اذا تبين شي امري بس
bay sweety

[بنت الدواسر]

وعليكم السلام والرحمة

لاخلا ولاعدم ماننحرم منك ان شاءالله حبيبتي مديرتي طالبة مني نشاط بالانجليزي وانا العام الماضي مسوية لهم فكرة مشغل وانه العاملة اجنبية ومتعرف عربي وجاتها زبونة ماتعرفE والعاملة تقول لصاحبة المشغل انا طباخة وموكوفير انا طباخة وهي تقول لها مالي شغل I want monyالمهم انا صاحبة المشغبل اجبرت العاملة تزين الزبونة واشرطت على الزبونة ماتشوف نفسها الابعد ماتخلص في النهاية الضحية الزبونة بس عشانها ماتعرف Eطبعا المشهد طويل بس هذا باختصار عجبهم كثير وتبي مني شيء نفس المستوى وتبي عمل من الطالبات عن الانجلش اذا عندك افكار اتمنى تفديني الله يجزاك الجنة

[بنت الدواسر]

thanks alot (Dont be sad) you too

[albars]

hi sweety

انت قصدك مشهد تمثيلي فقط او اي نشاط انجلش. عشان اقولك اللي عندي

[بنت الدواسر]

هلا قلبو انا ابقى مشهد تمثيلي بس يكون له علاقة بااهمية الانجلش

[albars]

هلا قلبو انا ابقى مشهد تمثيلي بس يكون له علاقة بااهمية الانجلش

اهلين يابنت الدواسر ايش اخبارك
المشهد ترى كتبته في تجمع المعلمات شوفيه و قولي لي وش رايك و اذا عندك تعليق اكتبيه هنا احسن ok حبيبتي. لاني كان ابي اكتبه هنا و تلخبطت.

[بنت الدواسر]

هلا بك يالغلا انا تمام الحمدلله وانتي كيفك ان شاءالله بخير شوفي حبيبتي انا اطلعت على المشهد جدا حلو واحسن شيء فية تعليم الصلاة بس احس انو طويل نوعا ما اذا كان عندك فكرة ثانية ياليت تقولين لي تعبتك معي ياعمري بس تحميليني شتسوين الله يعينك على وحدة طلابة هههههه اختي albarsبالنسبة للاداء هل من حقي اسئل المشرفة كم حطت لي لاني شفت بنات كاتبين انهم عارفين درجاتهم وانا يحظي اكتفيت بكلامها ومسئلت عن المهم وايش اسوي الان اسئل مين ابقى اعرف ادائي ويعطيك الـــــــــــــــــــــــ ـــــــــــف عـــــــــــــــــــــافي ــــــــــة حبيبتي
BY SWEETY

[albars]

هلا بك يالغلا انا تمام الحمدلله وانتي كيفك ان شاءالله بخير شوفي حبيبتي انا اطلعت على المشهد جدا حلو واحسن شيء فية تعليم الصلاة بس احس انو طويل نوعا ما اذا كان عندك فكرة ثانية ياليت تقولين لي تعبتك معي ياعمري بس تحميليني شتسوين الله يعينك على وحدة طلابة هههههه اختي albarsبالنسبة للاداء هل من حقي اسئل المشرفة كم حطت لي لاني شفت بنات كاتبين انهم عارفين درجاتهم وانا يحظي اكتفيت بكلامها ومسئلت عن المهم وايش اسوي الان اسئل مين ابقى اعرف ادائي ويعطيك الـــــــــــــــــــــــ ـــــــــــف عـــــــــــــــــــــافي ــــــــــة حبيبتي
BY SWEETY

لا و الله معاليه . بس يمكن انا فهمتك غلط حسبت انك تبغينه طويل . بس تقدرين تختصرينه . اذا تبين بس راح افكر في موضوع ثاني. و بالنسبه للاداء الوظيفي تسالين المديره لانها هي اللي تطلع علية بعد المشرفة. المشرفة تقول التقدير بس النسبه عند المديرة. و المديرات طنات بعضهم قلوبهم نظيفه و مافيها بقع سوداء و بعضهم العكس. المهم حاولي مع مديرتك.
Bay sweety